टॉलीवूडच्या (Tollywood) पुष्पानं (Pushpa) गेल्या काही दिवसांपासून मोठ्या प्रमाणावर प्रेक्षकांचे लक्ष वेधून घेतले आहे. बॉक्स ऑफिसवर (box Office) देखील या चित्रपटानं मोठी कमाई केली आहे. तीनशे कोटींपर्यत पुष्पाची बॉक्स ऑफिसवर कमाई केली आहे. अजुनही हा चित्रपट पाहण्यासाठी चाहते थिएटरमध्ये गर्दी करत आहे. ओमीक्रॉनमुळे (Omicron Varient) सध्या वेगवेगळ्या प्रकारचे निर्बंध सरकारनं जाहिर केल्यानं मनोरंजन (entertainment) क्षेत्रावर संकट आहे. त्याचा परिणाम नव्यानं प्रदर्शित झालेल्या चित्रपटांना बसला आहे. पुष्पालाही थोड्याफार प्रमाणात त्याचा फटका बसला आहे. अन्यथा अजूनही थिटएरमध्ये प्रेक्षकांनी मोठी झुंबड पाहायला मिळाले असती.

निर्मात्यांनी ओमीक्रॉनचा वाढणारा धोका लक्षात घेऊन पुष्पा हा ओटीटीवर (Pushpa On Ott) प्रदर्शित करण्याचा निर्णय घेतला आहे. थिएटरमध्ये पाच भाषांमध्ये प्रदर्शित झालेल्या या चित्रपटानं प्रेक्षकांना थिएटरमध्ये खेचून आणले. त्यामध्ये अल्लु अर्जुन (Allu Arjun) , समंथा रुथ प्रभु (Samantha Ruth Prabhu) आणि रश्मिका मंदाना (Rashmika Mandana) यांच्या भूमिका आहेत. अॅमेझॉन प्राईमवर यापूर्वी तमिळ, तेलुगू मध्ये प्रदर्शित झालेला पुष्पा हिंदीमध्ये कधी प्रदर्शित होणार याविषयी प्रश्न विचारला जात होता. त्यावर अखेर अॅमेझॉननं येत्या 14 जानेवारीला हिंदीत पुष्पा प्रदर्शित करण्याचा निर्णय घेतला आहे. यामुळे चाहत्यांनी आनंद व्यक्त केला आहे. केवळ भारतातच नाहीतर जगभरामध्ये पुष्पानं मोठ्या प्रमाणात कमाई केल्याचे दिसून आले आहे. सध्याच्या घडीला सर्वाधिक कमाई करणारा चित्रपट म्हणून पुष्पाचे नाव घ्यावे लागेल.

ओमीक्रॉनचा फटका टॉलीवूडच्या एका बिग बजेट चित्रपटाला बसला आहे. गेल्या दोन वर्षांपासून प्रेक्षक आरआरआर चित्रपटाची वाट पाहत होते. राजामौली दिग्दर्शित या चित्रपटाच्या ट्रेलरला कोट्यवधी व्ह्युज मिळाले होते. त्यानंतर चाहत्यांना चित्रपटाचे वेध लागले होते. 7 जानेवारीला हा चित्रपट प्रदर्शित होणार होता. मात्र ओमीक्रॉनच्या नव्या निर्बंधामुळे आरआरआरचे प्रदर्शन पुढे ढकलण्यात आले आहे.