Pushpa The Rise Movie: टॉलीवूडच्या (Tollywood) पुष्पा द राईज या चित्रपटानं (Pushpa Allu Arjun) गेल्या काही दिवसांपासून सर्वांचे लक्ष वेधून घेतले आहे. साधारण दीड महिन्यांपूर्वी प्रदर्शित झालेल्या पुष्पानं आता शंभर कोटींचा टप्पा पार केला आहे. अल्लु अर्जुन, रश्मिका मंदाना (rashmika mandana) यांची प्रमुख भूमिका असणाऱ्या या चित्रपटानं बॉक्स ऑफिसवर (Box office प्रचंड कमाई केली आहे. आता तर हा चित्रपट ओटीटीवर देखील प्रदर्शित झाला आहे. पाच भाषांमध्ये प्रदर्शित झालेल्या पुष्पाचा फिव्हर अद्यापही सोशल मीडीयावर आहे. त्याच्या गाण्यांचे रील्स, मीम्स तुफान व्हायरल झाले आहे. श्रीवल्ली आणि सामी गाण्यानं लहानांपासून आबालवृद्धांना वेड लावलं आहे. अल्लु अर्जुनला आता बॉलीवूडमध्ये पसंत केलं जाऊ लागले आहे.

पुष्पाच्या (pushpa OTT) हिंदी व्हर्जननं साऱ्या देशभर कमाल केली होती. त्याचा प्रभाव अजुनही प्रेक्षकांच्या मनावर आहे. अल्लु अर्जुनचा डान्स, त्याची भूमिका, त्याचे संवाद आणि हटके स्टाईल यानं चाहत्यांना घायाळ केलं आहे. पुष्पा मध्ये अल्लु अर्जुनच्या तोंडी एक संवाद आहे. त्यामध्ये तो म्हणतो माझं नाव पुष्पा आहे. मी काही एखादं फूल नाही. आग आहे. या संवादानं बॉक्स ऑफिसवर कमाल केली आहे. चित्रपटातील तो संवाद बॉक्स ऑफिसवरील कमाईच्या दृष्टीनं प्रत्यक्षात आल्याचे दिसुन आले आहे. सुरुवातीला या चित्रपटातील उ अंटावा गाण्यामुळे तो वादाच्या भोवऱ्यात सापडल्याचे दिसुन आले होते. प्रसिद्ध अभिनेत्री समंथानं त्या गाण्यामध्ये स्पेशल परफॉर्मन्स दिला आहे. मात्र तिच्यावरही नेटकऱ्यांनी टीका केली होती. त्या गाण्याचा वाद हा कोर्टापर्यत गेला होता. मात्र पुष्पाच्या यशानं तो वाद आता प्रेक्षक विसरले आहेत.

पुष्पाच्या वेळेस बॉलीवूडमधूनही काही मोठ्या बॅनरचे चित्रपट प्रदर्शित झाले होते. त्यामध्ये रणवीर सिंगचा बहुचर्चित असा 83 हा चित्रपट होता. मात्र त्याला अपेक्षेनुसार काही यश आले नाही. गेल्या दोन वर्षांपासून या चित्रपटाची प्रेक्षक वाट पाहत होते. मात्र दोन आठवड्यांपेक्षा हा चित्रपट बॉक्स ऑफिसवर तग धरू शकला नाही. पुष्पाच्या फायरनं सगळ्या चित्रपटांना झटका बसल्याचे दिसून आले आहे. येत्या काळात टॉलीवूडचे बिग बजेट चित्रपट प्रदर्शित होणार आहे. त्यामध्ये एस एस राजामौली यांचा आरआरआर हा चित्रपटही आहे.