मुंबई : 'मिशन मंगल' च्या ब्लॉकबस्टर यशानंतर विद्या बालन तिच्य़ा आगामी चित्रपटासाठी सज्ज झाली आहे. 'शकुंतला देवी' चित्रपटाच्या पहिल्या लूकनंतर आता या चित्रपटाचा टिझरही प्रदर्शित करण्यात आला आहे. पहिल्य़ाच पोस्टरमध्ये विद्या एका वेगळ्या लुकमध्ये दिसतेय. बॉयकटमधील तिच्या लूकने सर्वांचे लक्ष वेधून घेतलं आहे.
या चित्रपटामध्ये विद्या गणिततज्ज्ञ शकुंतला देवी यांची भूमिका साकारणार आहे. ह्युमन कॉम्पुटरच्या भूमिकेत ती प्रेक्षकांना दिसणार आहे. या चित्रपटाचा पोस्टर आणि टिझर विद्याने ट्विटरच्या माध्यमातून शेअर केलाय. इतर मुलांनी कशापद्धतीने पाढ्यांसह त्यांच्या गणिताच्या प्रवासाला सुरुवात केली. आणि दुसरीकडे शकुंतला देवीने कठीण गणितांसह सुरुवात केली, हे टिझरमध्ये दाखवण्यात आलंय. टिझर शेअर करताना कॅप्शनमध्ये तिने लिहिलं की, "ती सर्वच शब्दांमध्ये असाधारण होती. याच विलक्षण मुलीची आणि ह्युमन कॉम्पुटरची कहाणी जाणून घ्या ".
शकुंतला देवी यांना सर्वत्र ह्युमन कॉम्पुटर किंवा मेंटल कॅल्क्युलेटर म्हणून ओळखतात. अवघ्या पाच वर्षाच्या वयामध्ये त्या 18 वर्षांच्या मुलांची गणिते सोडवत असत. विद्या या बायोपिकमधून शकुंतला देवींच्या आयुष्यातील अनेक गोष्टींचा उलगडा करणार आहे. विद्याने लंडनमध्ये या चित्रपटाच्या शुटिंगला सुरुवात केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.