Vivek Agnihotri Latest News आमिर खानचा लाल सिंह चड्ढा हा चित्रपट बॉक्स ऑफिसवर चांगलाच फ्लॉप होताना दिसत आहे. या चित्रपटाला विविध कारणांमुळे विरोध होत आहे. चित्रपटगृहांमध्ये लोकांची संख्या खूपच कमी दिसत आहे. दरम्यान, ‘द कश्मीर फाइल्स’चे दिग्दर्शक विवेक अग्निहोत्री (Vivek Agnihotri) यांचे ट्विट चर्चेत आले आहे. ज्यामध्ये त्याने तरुण मुलींवर रोमान्स करणाऱ्या बॉलीवूड स्टार्सवर ताशेरे ओढले आहेत.

‘चित्रपटाच्या गुणवत्तेबद्दल तर विसरून जा. जेव्हा ६० वर्षांचा नायक २०-३० वर्षांच्या मुलींसोबत रोमान्स करतो. तरुण दिसण्यासाठी फोटोशॉपचा वापर केला जोता. तेव्हा बॉलिवूडमध्ये मूलभूतपणे काहीतरी चुकीचे आहे’, असे विवेक अग्निहोत्रीने (Vivek Agnihotri) शुक्रवारी ट्विटमध्ये लिहिले.

‘तरुण आणि कूल दिसण्याच्या सवयीने बॉलीवूडचा नाश केला आहे. या सगळ्यासाठी एकच व्यक्ती जबाबदार आहे’, असेही विवेक अग्निहोत्रीने ट्विटमध्ये लिहिले आहे. विवेक अग्निहोत्रीने त्या व्यक्तीचे नाव लिहिले नसले तरी ६० वर्षांचे अभिनेते २०-३० वर्षांच्या अभिनेत्रींसोबत रोमान्स करीत असल्याचा वाक्यावरून लोक अंदाज लावत आहेत.

अग्निहोत्रीचा राग कोणावर?

५७ वर्षीय अक्षय कुमारने ३३ वर्षीय भूमी पेडणेकरसोबत रक्षाबंधन चित्रपटात काम केले. त्याचवेळी ५३ वर्षीय आमिर खानचा चित्रपटही नुकताच प्रदर्शित झाला आहे. अशा परिस्थितीत विवेक अग्निहोत्री आमिर खान किंवा अक्षय कुमार (Akshay Kumar) यांना टार्गेट करतोय हे सांगणे कठीण आहे. मात्र, कमेंट सेक्शनमध्ये बहुतांश लोक आमिर खानला (Aamir Khan) घेरण्याचा प्रयत्न करताना दिसत आहे.