औरंगाबाद: महाविकास आघाडी सरकारने शेतकऱ्यांना कर्जमुक्त करण्याचा निर्णय घेतला. यात शनिवारपर्यंत(ता.२८) जिल्ह्यातील १ लाख ४७ हजार ३७८ शेतकऱ्यांच्या खात्यात ६३३ कोटी ६२ लाख ४ हजार रुपये जमा केले असल्याची माहिती जिल्हा उपनिबंधक कार्यालयातर्फे देण्यात आली आहेत.

महाविकास आघाडी सरकारने जाहीर केलेल्या महात्मा जोतिराव फुले शेतकरी कर्जमुक्ती योजनेंतर्गत दोन लाखांपर्यंत लाभ देण्यात येत आहेत. जिल्ह्यातील तीन लाख ५४ हजार ७५१ शेतकरी या कर्जमुक्तीसाठी पात्र ठरले आहेत. महाविकास आघाडी सरकारने शेतकऱ्यांना कर्जमुक्त करण्याचे दिलेले आश्वासन पूर्णत्वास येत आहे.

औरंगाबादच्या इतर बातम्या वाचण्यासाठी - क्लिक करा

सरकारने जाहीर केलेल्या कर्जमुक्तीच्या जिल्ह्यात आधार प्रमाणीकरण करण्यात येत आहे. २८ मार्चपर्यंत १ लाख ५१ हजार ३१० खातेदारांचे आधार प्रमाणीकरण झाले आहे. यासह १ हजार २४० तक्रारी प्राप्त झाल्या आहेत. त्यापैकी ९२२ निकाली काढण्यात आल्या आहेत. तर ३१८ निकाली काढण्यात येत आहेत. यासह जिल्हायातील सर्व तहसिलदाराकडे १ हजार २२९ तक्रारी आल्या आहेत. त्यपैकी ७०२ निकाली लागल्या आहेत. तसेच ५२७ निकाली काढण्यात येत असल्याचेही जिल्हा उपनिबंधक कार्यालयातर्फे सांगण्यात आले आहेत. 

मराठवाड्याच्या इतर बातम्या वाचण्यासाठी - क्लिक करा