औरंगाबाद : महावितरणच्या कागदविरहित गो-ग्रीन वीजबिल (कागदविरहित) सुविधेवर महावितरणकडून दहा रुपयांची सवलत दिली जाते. मराठवाड्यात जवळपास वीस हजार ग्राहकांनी या गो-ग्रीन योजनेचा लाभ घेतला आहे.
मराठवाड्यातील अन्य बातम्या वाचण्यासाठी यावर क्लिक करा..!
वीजग्राहकांना ऑनलाइन वीजबिल भरण्यासाठी महावितरणने विविध पर्याय उपलब्ध करून दिले आहेत. या धोरणाला अधिक प्रोत्साहित करण्यासाठी जे वीजग्राहक छापील वीजबिलाऐवजी ई-मेल व एसएमएसचा पर्याय स्वीकारतील अशा सर्व ग्राहकांना प्रतिबिल १० रुपये सवलत दिली जात आहे. गो-ग्रीनचा पर्याय निवडल्यास वीजबिलावरील सवलतीसह ग्राहकांना तातडीने वीजबिल मिळते, त्याचप्रमाणे वीजबिलाचे जतन करणेही सोपे होते.
महावितरणच्या ग्राहकांना वीजबिलाची माहिती व वीजबिल भरण्यासाठी मोबाईल ॲप व www.mahadiscom.in या संकेतस्थळावर ऑनलाइनसह विविध पर्याय आहेत. या सर्व सुविधा उपलब्ध असतानाही महावितरणतर्फे ग्राहकांना छापील वीजबिलही उपलब्ध करून देण्यात येते. गो-ग्रीनचा पर्यायासाठी ग्राहकांनी आपल्या वीजबिलावरील गो-ग्रीन क्रमांकाची नोंदणी महावितरणच्या मोबाईल ॲपद्वारे अथवा महावितरणच्या संकेतस्थळावर https://billing.mahadiscom.in/gogreen.php येथे जाऊन करावी लागणार आहे.
अशी आहे परिस्थिती
-औरंगाबाद परिमंडल ः ८,०९६
-लातूर परिमंडल ः ६,५२३
-नांदेड परिमंडल ः ४,८०९
औरंगाबाद प्रादेशिक कार्यालयांतर्गत एकूण ः १९,४२८
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.