औरंगाबाद : येथील घाटी रुग्णालयात रविवारी (ता. तीन) दुपारी दीड वाजता दाखल झालेल्या एका ५५ वर्षीय कोरोनाग्रस्ताचा रात्री अकराच्या सुमारास मृत्यू झाला, अशी माहिती ‘घाटी’च्या अधिष्ठाता कानन येळीकर यांनी दिली. मृत रुग्ण देवळाई-सातारा परिसरातील रहिवासी असून, रात्री दहा वाजता त्यांच्या स्वॅबचे नमुने पॉझिटिव्ह आले. अत्यवस्थ अवस्थेत त्यांना भरती करण्यात आले होते. त्यांना दमा, खोकला, मधुमेह, चक्कर येणे आदी आजार होते.
या रुग्णाला रविवारी दुपारी गंभीर अवस्थेत घाटी रुग्णालयात दाखल करण्यात आले होते. त्याच्यावर अतिदक्षता विभागात कृत्रिम श्वाशोच्छासह उपचार सुरू होते. तीन वर्षांपासून त्यांना मधुमेहाचा त्रास होता. रात्री दहा वाजचा त्यांच्या कोवीड-१९ च्या चाचणीचा अहवाल पॉझिटिव्ह आला. त्यानंतर तासभरात त्यांचा मृत्यू झाला. त्यांच्या मृत्यूचे कारण बायलॅट्रल न्युमोनिया डयू टू कोव्हीड-१९ इन केस विथ डायबिटीस मेलआयटस हा आजार असल्याचे डॉक्टरांनी सांगितले. शहरात कोरोनाग्रस्तांचा हा दहावा मृत्यू असून, रविवारपर्यंत एकूण रुग्ण संख्या २८३ एवढी होती. त्यापैकी २५ रुग्ण बरे झाल्याने त्यांची सुटी झाली.
औरंगाबादेत शनिवारी (ता. दोन) कोरोनाबाधितांची संख्या २५७ होती. त्यात रविवारी (ता. तीन) २६ रुग्णांची भर पडली. सकाळच्या सत्रात सतरा रुग्णांचा कोविड-१९ अहवाल पॉझिटिव्ह आला. यात १६ मुकुंदवाडीतील व एक बायजीपुरा येथील आहे. सायंकाळच्या सत्रात आठ रुग्णांचा अहवाल पॉझिटिव्ह आला. यात गुलाबवाडी येथील तीन व संजयनगर-मुकुंदवाडी येथील पाच जणांचा समावेश आहे. रात्री दहा वाजता सातारा-देवराई परिसरातील एका रुग्णाचा अहवाल पॉझिटिव्ह आला. त्यानंतर तासभरात त्यांचा मृत्यू झाला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.