औरंगाबाद : करचुकवेगिरी केल्याप्रकरणी शहरातील सूतगिरणी चौकातील दिशा ग्रुपसह अन्य एका बांधकाम व्यावसायिकांवर प्राप्तिकर विभागाने मंगळवारी (ता. 21) छापा मारला. दोन्ही बांधकाम व्यावसायिकांच्या शहरातील सात ठिकाणांची झाडाझडतीही घेतली. नाशिक, पुणे येथील 70 प्राप्तिकर अधिकारी यात सहभागी असून, त्यांच्या हाती महत्त्वपूर्ण दस्तऐवज लागले आहेत. अजून चार दिवस ही कार्यवाही चालणार असल्याची माहिती प्राप्तिकर विभागाने दिली. 

करचुकवेगिरी प्रकरातून या बांधकाम व्यावसायिकांच्या औरंगाबाद, पुणे, नगर, बंगलोर यासह देशभरातील 43 ठिकाणांच्या कार्यालयात एकाच वेळी हे सर्च ऑपरेशन करण्यात आले. यात या व्यावसायिकांचे महत्त्वपूर्ण दस्तऐवज आणि व्यवहारांची तपासणी करण्यात येत आहे. एवढे नव्हे तर दोन्ही बांधकाम व्यावसायिकांच्या प्रकल्पात भागीदारी असलेल्यांच्याही प्राप्तिकर कार्यालयातर्फे चौकशी करण्यात येत आहे. यासाठी विशेष करून नगरहून पोलिसांचा बंदोबस्त आणण्यात आले आहे.

 जाणून घ्या -निवृत्त शिक्षिकेचे मंगळसूत्र धूम स्टाईलने हिसकावले​

बांधकाम व्यावसायिकांच्या कार्यालयात तसेच राहत्या घरी दस्तऐवज तपासण्यात येत आहेत. याच कारवाईत दोन्ही बांधकाम व्यावसायिकांकडे विविध प्रकल्पाच्या कार्यालयात काम करणाऱ्यांचा जबाब आणि चौकशी केली जात आहे. सहा ते सात महिन्यांनंतर प्राप्तिकर विभागाची मोठी कार्यवाही शहरात केली जात आहे. 

हेही वाचा - या शिक्षिकेच्या सल्ल्याने अजय देवगणने केले तान्हाजीत बदल

रात्री उशिरापर्यंत कार्यवाही 
सकाळी 8.45 वाजेपासून ही कार्यवाही सुरू झाली. दोन्ही बिल्डरच्या कार्यालय आणि घरी व इतर ठिकाणी पोलिस बंदोबस्तात कार्यवाही सुरवात झाली. यासह दिशाच्या पुणे, नगर, बंगलोर येथेही कसून तपासणी करण्यात येत आहे. शहरातील ही कारवाई रात्री उशिरापर्यंत चालली. 

हेही वाचा -'तान्हाजी'तील 'चुलत्या' नेमका आहे तरी कोण, वाचा संघर्ष...

भागीदारावर प्राप्तिकर तपासणी 
दोन्ही बांधकाम व्यावसायिकांशी भागीदारी करणाऱ्यांच्या कार्यालयाची तपासणी करण्यात आली. भागीदारांचीही सकाळपासून सुरू झालेली दस्तऐवजाची तपासणी रात्री उशिरापर्यंत सुरू होती. या कार्यवाहीत किती करचुकवेगिरी समोर आली, याची माहिती अद्यापही समोर आलेली नाही.