औरंगाबाद: पूर्ववैमनस्यातून तरुणाला गंभीर जखमी केल्याप्रकरणात चौघांना जिन्सी पोलिसांनी मंगळवारी (ता.३०) रात्री अटक केली. शुभम किरण शर्मा (२५), सुमित किरण शर्मा (२०, दोघे रा. कैलासनगर, स्मशान मारोतीरोड), अजय भाऊसाहेब गात (२०, रा. इंदिरानगर, बायजीपुरा) व सुरत विलास गायकवाड (१९, रा. गोधडीपुरा, औरंगाबाद) अशी त्या आरोपींची नावे आहेत.

हेही वाचा- कृषी दिन: उत्पादन खर्च कमी करण्यासाठी सुधारित तंत्रज्ञानाची कास धरा, डाॅ. डी. एल. जाधव

प्रकरणात गंभीर जमखी योगेश मुळे याचा मोठा भाऊ उमेश मुळे (३८, रा. कैलासनगर) यांनी तक्रार दिली. तक्रारीनुसार, योगेश हा पत्नी व मुलासह संजयनगरात राहतो व तो प्लॉटिंगचा व्यवसाय करतो. सात-आठ महिन्यांपूर्वी योगेशचा आरोपी शुभम शर्मा याच्याशी किरकोळ वाद झाला होता. २९ जूनरोजी दुपारी उमेश घरी असताना योगेशचा मित्र सागर जाधव हा घरी आला व त्याने तथागत चौकात योगेशला शुभम व काही मुले मारहाण करीत असल्याचे सांगितले.

हेही वाचा- अंगणात लावले चंदनाचे झाड, २२ वर्षाचे झाल्यावर पोलिसांना लागले काम

त्यामुळे उमेश धावत तथागत चौकात गेला असता, तेथे आरोपी सूरज गायकवाड, सुमित शर्मा, सागर यांनी योगेशला धरून ठेवले होते व शुभम हा लोखंडी फावड्याने तर अजय गात हा चाकूने योगेशला मारहाण करीत होते. लोक जमा झाल्याने आरोपींनी तेथून धूम ठोकली. दरम्यान, गंभीर जखमी योगेशचा उपचारासाठी घाटीत दाखल केले असून त्याच्यावर उपचार सुरू आहेत.

हेही वाचा- बहिणीच्या जीवासाठी ती सहन करायची बलात्कार, एकदा केमिकल कंपनीजवळ त्याने बोलावले अन..

प्रकरणात जिन्सी पोलिस ठाण्यात गुन्हा दाखल करण्यात आला आहे. चारही आरोपींना बुधवारी (ता.एक) न्यायालयात हजर करण्यात आले असता, चौघा आरोपींना चार जुलैपर्यंत पोलिस कोठडीत ठेवण्याचे आदेश प्रथमवर्ग न्यायदंडाधिकारी रुहिना अंजूम यांनी बुधवारी (ता.एक जुलै) दिले. या प्रकरणात सहायक सरकारी वकील सूर्यकांत सोनटक्के यांनी काम पाहिले. 

हेही वाचा: व्याज कापल्याशिवाय बॅंका देईनात पीककर्ज, खरीपात कशी करु पेरणी म्हणत शेतकरी थेट खंडपीठात