पैठण (जि.औरंगाबाद) : नवगाव (ता.पैठण) येथील पतीसोबत गेलेली एक शेतकरी महिला शेतातील विद्युत मोटारीच्या पाईपमध्ये पाणी भरण्यासाठी शेताजवळील डाव्या कालव्यात गेली असता पायऱ्यांवरुन पाय घसरुन कालव्यात वाहुन गेली. ही घटना गुरुवारी (ता.तीन) दुपारी दोन वाजेच्या सुमारास घडली. रेखा अक्षय सोनवणे (वय २८, रा.नवगाव) असे या महिलेचे नाव आहे.
पोलिस सुत्रांनी सांगितले की, सकाळी विहामांडवा येथे रुग्णालयात पती पत्नी गेले होते. रुग्णालयातून परत येत असताना त्यांच्या शेतातील विद्युत मोटारीत पाणी भरण्यासाठी थांबले. या दरम्यान महिलेने बादलीने पाणी आणले. शेवटीची एक बादली आणताना अचानक पाय घरसला व ती कालव्यातील वाहत्या पाणी पात्रात वाहुन गेली.
दरम्यान, घटनेची माहिती मिळताच पोलिस निरीक्षक किशोर पवार यांच्या मार्गदर्शनाखाली पोलिस जमादार सुधीर ओव्हळ, पोलिस कॉन्स्टेबल लक्ष्मण बरडे हे घटनास्थळी दाखल झाले आहे. सदर महिलेचा शोध घेत आहे. घटनास्थळी नवगाव व शेजारीच असलेल्या तुळजापूर या गावातील ग्रामस्थांनी गर्दी केली असून शोधकार्य युद्धपातळीवर सुरु केली होती. राष्ट्रवादी काँग्रेसचे युवा नेते दत्ता गोर्डे, माजी सभापती सुरेश दुबाले यांनी भेट देऊन शोध घेण्यासाठी मदत केली.
(संपादन-प्रताप अवचार)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.