औरंगाबाद : मनुष्य प्राणी हा एक आहे, तिथे मानवता हाच धर्म आहे, जातीपाती मानू नका, राष्ट्रीय एकता टिकवून ठेवा, हा विश्वशांतीचा संदेश घेऊन हेमराज शिवाजी मडामे हे जगभर सायकल यात्रा करत आहेत. मुळचे यवतमाळ जिल्ह्यातील रहिवासी असलेले श्री. मडामे हे बुधवारी (ता.७) जालना करत औरंगाबादेत पोहोचले.
मागील १८ वर्षापासून ते भ्रमंती करत असून आजवर त्यांनी २२ हजार किलोमीटरचा प्रवास केला आहे. मानवतेची मुल्ये रुजावी यासाठी ते नागरिकांत जनजागृती करत आहेत.
जाती धर्म सोडा, राष्ट्राला जोडा हे घोषवाक्य घेऊन त्यांनी प्रवासाला सुरूवात केली. आतापर्यंत कन्याकुमारी, तामिळनाडू, केरळ, कर्नाटक, आंध्रप्रदेश, ओडिशा असा प्रवास त्यांनी केला. पहाटे ५ वाजता प्रवासाला सुरूवात करतात. दुपारी १२ वाजेपर्यंत सायकल चालविल्यानंतर जिथे जागा मिळेल तिथे थोडावेळ विश्रांती घेतात. सायंकाळी साडेतीन ते चार वाजता पुन्हा यात्रा सुरू करून रात्री १० पर्यंत पुन्हा प्रवास करतात.
एक दोन दिवसात फुलंब्री, सिल्लोड, जळगाव त्यानंतर हायवे क्रमांक सहा आग्रा- मुंबई रस्त्याने प्रवास करत ठाण्यात काही दिवस मुक्काम करणार असल्याचे त्यांनी सांगितले. जागोजागी लोकांचे आलेले अनुभव ते कथन करतात. ते म्हणतात की, बहूतांश ठिकाणी राजकारणी मंडळी माझ्या कामाची दखल घेतात, कौतूक करणारे पत्र देऊन शुभेच्छाह देतात, मात्र माझ्यासाठी कोणी करत काहीच नाही अशी खंत ते व्यक्त करतात. आजवर पडक्या शाळांत, दुकानाच्या आडोशाला आश्रय घेतला पण विश्वाशांतीचा वसा घेतलेला सोडला नाही, अन कदापि सोडणार नाही असं ते सांगतात.
(संपादन-प्रताप अवचार)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.