औरंगाबाद :  लॉकडाउन हळूहळू खुले होत असताना संसर्गाचा आलेखही उतरेल अशी आशा होती. मात्र उलट परिणाम दिसून येत आहेत. औरंगाबादेत आता रुग्णसंख्याही वाढत आहे. आज रविवारी (ता. सात ) जिल्ह्यात  सकाळीच ६४ कोरोनाबाधित रुग्णांची वाढ झाली. केवळ तीनच दिवसात २४५ रुग्ण वाढले ही संसर्गाच्या दृष्टीने धोक्याची घंटा आहे. आता कोरोनाबाधितांची एकूण संख्या २ हजार १४ झाली आहे. सद्यस्थितीत औरंगाबादेत ७३१ पॉझिटिव्ह रुग्ण असून त्यांंच्यावर उपचार सुरु आहेत. ही बाब  दिलासादायक आहे. 

अरे बाप रे ! मोरांना विष अन् नीलगायी, रानडुकरांना देतात शॉक ! 

शनिवारी (ता.सहा ) १०४ रुग्ण पॉझिटिव्ह आढळले हा आतापर्यंतचा उच्चांक आहे. यापूर्वी आठ मे रोजी १०० व १५ मे रोजी ९३ रुग्ण आढळले होते. आतापर्यंत 1 हजार १८४ कोरोनाबाधित रुग्ण बरे होऊन घरी गेले असून ९९ जणांचा उपचारादरम्यान मृत्यू झाल्याने मृत्यू झाला आहे. 

सात जन्म काय..सात सेंकंद देखील नको बायको आम्हाला |

आज आढळलेले रुग्ण: मिल कॉर्नर (११),  शिवशंकर कॉलनी, साई नगर (३), तक्षशील नगर, मोंढा (३), पैठण गेट (२), आंबेडकर नगर, गल्ली नं. नऊ (३), आंबेडकर नगर, एन-सात (२),बायजीपुरा (२),आंबेडकर चौक, पिसादेवी रोड (२),
भावसिंगपुरा,  बजाजनगर, वाळूज,  हिना नगर, रशीदपुरा, सातारा परिसर, बौद्ध नगर, रोजा बाग, देवदूत कॉलनी, बजाज नगर, देवानगरी, पद्मपुरा, एन- नऊ, रेणुका माता मंदिर परिसर, एन- तीन  सिडको, सिंधी कॉलनी, मुजीब कॉलनी रोशन गेट, नंदीग्राम कॉलनी, गारखेड), शिवाजी नगर , रवींद्र नगर, टिळक नगर जवळ, भीमनगर, जवाहर कॉलनी, जुना मोंढा,, मुकुंदवाडी, संत ज्ञानेश्वर नगर, एन –नऊ, संभाजी कॉलनी एन -सहा, चिश्त‍िया कॉलनी , पुंडलिक नगर, गल्ली नं. नऊ , ठाकरे नगर , जटवाडा रोड , जुना मोंढा, भवानी नगर, नागसेन कॉलनी, बायजीपुरा , न्यू हनुमान नगर , बारी कॉलनी , कैलास नगर  शहानूर मियाँ दर्गा परिसर, ज्योती नगर या भागातील प्रत्येकी एक रुग्ण असा समावेश आहे. तर  ग्रामीण भागात  देवशी पिंपळगाव, गंगापूर (३), बोरवाडी, खुलताबाद (१) या भागातील कोरानाबाधित आहेत.  यामध्ये २७ महिला आणि ३७ पुरुष रुग्णांचा समावेश आहे.

एकोणतीस हजार कुटुंबांची रात्र अंधारात  

आतापर्यंत ११८४ जण झाले बरे 
महापालिकेच्या कोविड केअर केंद्रे, खासगी रुग्णालये, मिनी घाटी, घाटी येथून आजपर्यंत एकूण ११८४ कोरोनाबाधित रुग्ण बरे होऊन घरी परतलेले आहेत.

शनिवारीपर्यंत घाटीत चार कोरोनाबाधितांचा मृत्यू 

शासकीय महाविद्यालय व रुग्णालयामध्ये (घाटी) औरंगाबाद शहरातील चंपा चौकातील 50 वर्षीय कोरोनाबाधित महिलेचा पाच जून रोजी दुपारी सव्वा तीन वाजता मृत्यू झाला. सवेरा पार्क, हर्सुल येथील 70 वर्षीय पुरूष कोरोनाबाधित रुग्णाचा पाच जून रोजी रात्री साडेनऊ  वाजता मृत्यू झाला. 

सात दिवसांची तान्हुली ममस्पर्शाला मुकली..कोरोनाबाधित बाळंतणीचा घाटीत मृत्यू 

किराडपुरा येथील 50 वर्षीय महिला कोरोनाबाधित रुग्णाचा सहा जूनला सकाळी  सव्वा सहा वाजता व जटवाडा रोड, हर्सुल परिसर  येथील 63 वर्षीय कोरोनाबाधित महिला रुग्णाचा याच दिवशी दुपारी अडीच वाजता उपचारादरम्यान मृत्यू झाला. त्यामुळे आतापर्यंत घाटीत 78, तीन विविध खासगी रुग्णालयांमध्ये एकूण 20, मिनी घाटीमध्ये 01 कोरोनाबाधितांचा मृत्यू झाल्याने जिल्ह्यात एकूण 99 कोरोनाबाधितांचा उपचारादरम्यान मृत्यू झाला.