औरंगाबाद : हवेत गोळीबार करीत एका बांधकाम व्यावसायिकाचे अपहरण केल्याची धक्कादायक घटना औरंगाबाद शहरात घडली आहे. शहरातील देवानगरी भागात बुधवारी (ता.04) सकाळी अकरा ते बारा वाजेच्या दरम्यान ही घटना घडली आहे.
पांढऱ्या रंगांच्या चारचाकी वाहनातून आलेल्या तीन चार अज्ञात हल्लेखोरांनी बांधकाम व्यावसायिकाचे अपहरण केल्याची माहिती समोर आली आहे. नदीम पठाण राउफ पठाण असं अपहरण झालेल्या बांधकाम व्यावसायिकाचं नाव असल्याचे पोलिसांकडून कळले आहे.
पोलिस सुत्रांकडून मिळालेल्या माहितीनुसार, पांढऱ्या रंगाच्या फोरव्हिलरमधून आलेल्या तीन ते चार हल्लेखोरांनी देवानगरी भागातील पीडव्ल्यूडी कॉलनीत हवेत गोळीबार केला. या घटनेमुळे परिसरात एकच खळबळ उडाली आहे. बँकेत नोकरी करीत असलेले मदन अवधूत भोसले यांच्या घराचे काम ठेकेदार नदीम पठाण राऊफ पठाण यांनी घेतलेला आहे. ते सकाली साईडवर आले व कामगारांकडून बांधकामाची माहिती घेतली.
त्याचवेळी अचानक एका पांढऱ्या रंगाच्या एका चारचाकी वाहनातून तीन ते चार व्यक्ती त्या ठिकाणी आले. त्यांनी पठाण यांच्याशी हस्तांदोलन केलं. त्यांना धक्का देत यांना गाडीमध्ये ढकलत हवेत गोळीबार करून तेथून पसार झाले.
हवेत फायरिंग झाल्याने कामगारांनी बाहेर येऊन पाहिले, त्यावेळी हल्लेखोरांनी तोपर्यंत पळ काढला होता. या घटनेची माहिती मिळताच सहायक पोलीस आयुक्त सुरेश वानखेडे, सातारा पोलीस ठाण्याचे निरीक्षक सुरेंद्र माळाऴे, गुन्हे शाखेचे निरीक्षक अनिल गायकवाड यांच्यासह पथकांनी धाव घेतली व घटनास्थळाची पाहणी केली.
(संपादन-प्रताप अवचार)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.