औरंगाबाद : पत्नीशी प्रेमसंबंध असल्याच्या संशयावरून पाच जणांनी हॉटेलातील नोकराचे अपहरण केल्याची घटना समोर आली. याप्रकरणी क्रांती चौक पोलिसांनी पाचजणांना अटक केली आहे. ही घटना रविवारी (ता.११) रात्री घडली. पाचही संशयितांना न्यायालयासमोर हजर करण्यात आले असता, न्यायालयाने संशयितांना गुरुवारपर्यंत पोलिस कोठडी सुनावली. 

मराठवाड्यातील अन्य बातम्या वाचण्यासाठी यावर क्लिक करा..!

याप्रकरणी अरुण संपत बनसोडे (४२, रा. प्रबुद्धनगर, पानचक्की) यांचा पुतण्या योगेश हा मध्यवर्ती बसस्थानकासमोरील हॉटेलात काम करतो. ११ ऑक्टोबर रोजी रात्री भाऊ पंकजला योगेशने फोन केला. त्यामुळे पंकज त्याला भेटण्यासाठी हॉटेलला गेला. त्यानंतर पंकजने अरुण बनसोडे यांच्या मोबाईलवर संपर्क साधला. तेव्हा तो जोरजोरात ओरडत होता. काही जण मारहाण करत असल्याचे मोबाईलवर ऐकायला येत होते.

औरंगाबाद जिल्ह्यातील महत्त्वाच्या बातम्या वाचण्यासाठी येथे क्लिक करा.

त्यामुळे अरुण बनसोडे व त्यांची मुले अजय व पंकज असे तिघेही हॉटेलच्या दिशेने गेले. तेव्हा योगेश व पंकजचे रात्री साडेआठच्या सुमारास कारमधून (एमएच-२०, ईवाय-९५९६) अपहरण केल्याची माहिती सुमित ऊर्फ हसमुख बावस्कर यांनी दिली. त्यामुळे अरुण बनसोडे यांनी लगेचच क्रांती चौक पोलिसात माहिती दिली.

देशभरातील महत्त्वाच्या बातम्या वाचण्यासाठी येथे क्लिक करा.

पोलिसांनी क्रांती चौकात अपहरणकर्त्यांना पकडले. याप्रकरणी पोलिसांनी सुनील माणिकराव साबळे (४१, रा. वडखा, वरझडी), तुळशीराम संपत गढवे (४९, रा. डोंगरगाव शिव, ता. फुलंब्री), सागर नवनाथ ठिल्लारे (२१, रा. बजाजनगर), कल्याण संपतराव होर्शिल (४४, रा. वडगाव कोल्हाटी, सलामपुरेनगर, ता. गंगापूर) आणि सतीश सांडूजी बनकर (२९, रा. गल्ली क्र. १, ब्रिजवाडी, चिकलठाणा एमआयडीसी) यांना अटक केली. याप्रकरणाचा पुढील तपास उपनिरीक्षक संदीप शिंदे करत आहेत. पोलिसांनी संशयितांना अटक करून न्यायालयात हजर केले असता, पाचही आरोपींना गुरुवारपर्यंत (ता.१५) पोलिस कोठडीत ठेवण्याचे आदेश न्यायालयाने दिले. 

(Edited By Pratgap Awachar)