औरंगाबाद : विवाहिता सकाळपासून बेपत्ता झाल्याची माहिती कळताच माहेरच्या लोकांनी तिचे सासरचे घर गाठून सासरच्या मंडळींवर हल्ला चढविला. ही घटना सोमवारी (ता.२) रात्री साडेआठच्या सुमारास शिवाजीनगर भागात घडली. या हल्ल्यात दोन जण जखमी झाले. घटनेची माहिती मिळताच पुंडलिकनगर आणि जवाहरनगर ठाण्यातील पोलिसांचा मोठा फौजफाटा घटनास्थळी दाखल झाला.
मराठवाड्यातील अन्य बातम्या वाचण्यासाठी यावर क्लिक करा..!
शिवाजीनगर परिसरात पाण्याच्या टाकीजवळ राहणारी शिवकन्या चव्हाण ही २३ वर्षीय विवाहिता सोमवारच्या सकाळपासून बेपत्ता आहे, ही माहिती तिच्या गेवराई तांडा येथील माहेरकडच्या नातेवाईकांना माहित पडताच एक टेम्पो भरून लोक शिवकन्या चव्हाण हिच्या शिवाजीनगर येथील सासरच्या घरी येऊन धडकले. आमची मुलगी कोठे आहे असा प्रश्न करत विवाहितेच्या दीर आणि त्यांच्या आईला मारहाण करण्यास सुरवात केली.
अचानक झालेल्या हल्ल्याने परिसरातील लोक मध्यस्थी करण्यासाठी आले असता त्यांना देखील धक्काबुक्की करण्यात आली. यात विवाहितेचा दीर अक्षय उत्तम चव्हाण आणि अक्षय यांची आई जखमी झाले. त्यांना पुंडलिकनगर पोलिसांनी तातडीने शहानुरमिया दर्गा परिसरातील एका खासगी रुग्णालयात दाखल केले आहे. मुलीच्या वडीलांनी आरोप केला आहे की, त्यांच्या मुलीचा घातपात करण्यात आला. तिचा पती हा पसार झाल्याचा आरोपही त्यांनी केला आहे.
(संपादन-प्रताप अवचार)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.