औरंगाबाद : नारेगावातील विभक्त विवाहितेला लग्नाचे आमिष दाखवून चार वर्षांपासून अत्याचार केल्याचा प्रकार उघडकीस आला आहे. त्यावरून अशोक विधाते (रा. राजेंद्रनगर, नारेगाव) व अश्लील व्हिडिओ व्हायरल करण्याची धमकी देणारा विधातेचा साथीदार सय्यद शकील (रा. मिसारवाडी) या दोघांविरुद्ध अॅट्रॉसिटी, अत्याचारप्रकरणी सिडको पोलिस ठाण्यात गुन्हा दाखल करण्यात आला.
नारेगावातील ३० वर्षीय विवाहिता दहा वर्षांपासून विभक्त राहते. ती गेल्या चार वर्षांपासून आई-वडिलांसोबत राहते. नारेगाव परिसरात तिचे कापड दुकान आहे. त्यामुळे ती आईबाबांच्या गावावरून दररोज नारेगावातील दुकानात दुचाकीने जाणे-येणे करायची. नारेगावातील तिच्या दुकानात अशोक विधाते नेहमी कपडे घेण्यासाठी यायचा. त्यावेळी त्याच्याशी विवाहितेची ओळख झाली होती. दरम्यान, २५ एप्रिल २०१६ रोजी दुपारी विधातेने तिला फोन करून ‘माझे तुझ्याकडे महत्त्वाचे काम आहे. तू मला भेटायला टीव्ही सेंटरला ये’ असे म्हणून त्याने नातेवाइकांच्या घरी बोलावले. तेथे गेल्यावर विधातेने ‘माझे तुझ्यावर प्रेम आहे. आपण आयुष्यभर सोबत राहू, तू माझ्यासोबत शारीरिक संबंध ठेव’ असे म्हणून विधातेने तिच्याशी बळजबरी केली. पुढे विधाते वारंवार तिला टीव्ही सेंटर येथील नातेवाइकाच्या घरी बोलवायचा व शारीरिक संबंध ठेवू लागला.
पाच लाख दे, नाहीतर व्हिडिओ व्हायरलची द्यायचा धमकी
अशातच २५ ऑक्टोबरला सकाळी त्याने फोन करून पुन्हा नातेवाइकाच्या घरी बोलावले. त्यावेळी देखील त्याने बळजबरीने शारीरिक संबंध ठेवले. त्यानंतर दोघे बोलत असताना विधातेने तिच्याकडे पाच लाखांची मागणी केली. त्यावर विवाहितेने त्याला पैसे देण्यास नकार दिला. त्यामुळे विधातेने आपल्यासोबतचे व्हिडिओ मी सोशल मीडियावर व्हायरल करीन अशी धमकी दिली.
त्याचवेळी त्याने मोबाईलमधील दोघांचे अश्लील व्हिडिओ तिला दाखवले. या प्रकारामुळे विवाहितेला धक्का बसला. त्यानंतर त्याचा साथीदार सय्य्द शकील नारेगावातील एका हॉटेलसमोर भेटला. त्याने ‘विधातेने जरी तुझे अश्लील व्हिडिओ डिलीट केले, तरी ते सर्व व्हिडिओ माझ्या मोबाईलमध्ये आहेत. मी ते सर्वांना दाखवतो’ अशी धमकी दिली. त्यानंतर विवाहितेने घडलेला प्रकार भाऊ व आईला सांगितला. त्यानंतर विवाहितेने सिडको पोलिस ठाणे गाठत तक्रार दिली. पुढील तपास सहायक पोलिस आयुक्त निशिकांत भुजबळ करत आहेत.
(संपादन-प्रताप अवचार)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.