औरंगाबाद : हिंदूंना शिव्या देत मंदिरांवरील भगवा उतरण्याची भाषा करणाऱ्या एमआयएमला आताच कुठून हिंदू मंदिराविषयी प्रेम निर्माण झाले. एमआयएमचे हिंदू प्रेम हे बेगडी आहे, ही एक स्टंटबाजी आहे. हिंदूंच्या मंदिरांची जबाबदारी हिंदू बघतील, त्यांनी मस्जिदचे बघावे अशी टिका शिवसेनेचे आमदार अंबादास दानवे यांनी खा. इम्तियाज जलील यांच्या मंदिराविषयीच्या भूमिकेवर केली.
संस्थान गणपतीच्या गणेश विसर्जन कार्यक्रमास शिवसेना जिल्हाप्रमुख तथा आमदार अंबादास दानवे आले होते. त्यावेळी प्रसारमाध्यमांशी बोलताना त्यांनी एमआयएमवर निशाना साधला. एमआयएमचे खा. इम्तियाज जलील हे आज दुपारी दोन वाजता शहराचे ग्रामदैवत खडकेश्वर मंदिराच्या पुजार्यांना मंदिर खुले करावे असे निवेदन देणार आहेत. यावर आमदार अंबादास दानवे यांनी टिका केली आहे.
औरंगाबाद जिल्ह्यातील महत्त्वाच्या बातम्या वाचण्यासाठी येथे क्लिक करा.
पुढे बोलताना आमदार दानवे म्हणाले की, एमआयएमने मस्जिद बघावी त्यांच्या मौलवींना निवेदन द्यावेत, आम्हाला त्यांची काही चिंता करण्याची गरज नाही. खडकेश्वर हे मंदिर हे शहराचे ग्रामदैवत आहेत. सरकार परवानगी देईल तेव्हा, विधिवत पूजा करून मंदिर उघडले जाईल. काल प्रकाश आंबेडकर यांनी हे आंदोलन केले होते. त्यावर मुख्यमंत्र्यांनी त्यांना आश्वासन दिले आहेत. लवकरात लवकर या विषयी नियमावली ठरल्यानंतर मंदिर, मश्जिद, गुरुद्वारा उघडले जाईल, असेही आमदार अंबादास दानवे यांनी सांगितले.
(संपादन-प्रताप अवचार)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.