औरंगाबाद : क्रांतीचौक परिसरात राहणाऱ्या एका २२ वर्षीय तरूणीने प्रेमप्रकरणातून गळफास घेऊन आत्महत्या केली. मयत तरूणीला तिच्या प्रियकराच्या आईने वाममार्गाला लावेन अशी धमकी दिल्यामुळे तिने आत्महत्या केली असल्याचा आरोप मयत तरूणीच्या नातेवाईकांनी केला आहे.
पोलिसांनी दिलेल्या माहितीनुसार, नमिता इंगोले (रा. क्रांतीचौक परिसर) असे गळफास घेवून आत्महत्या करणाऱ्या तरूणीचे नाव आहे. मृत तरूणीचे गेल्या दोन वर्षापासून विनोद खेत्रे नावाच्या युवकासोबत प्रेमप्रकरण सुरू होते. या प्रेमप्रकरणाची कुणकुण विनोद खेत्रे याच्या आईला लागल्यावर तिने मृत तरूणीला शिवीगाळ करून तुला वाममार्गाला लावेल अशी धमकी दिली होती.
याप्रकरणी नमिता इंगोले हिच्या नातेवाईकांनी दिलेल्या तक्रारीवरून विनोद खेत्रे व त्याची आई अनिता खेत्रे यांच्याविरूध्द क्रांतीचौक पोलिस ठाण्यात नमिता इंगोले हिला आत्महत्येस प्रवृत्त केल्याचा गुन्हा दाखल करण्यात आला आहे. पुढील तपास पोलिस निरीक्षक डॉ. गणपत दराडे यांच्या मार्गदर्शनाखाली उपनिरीक्षक गजानन सोनटक्के करीत आहेत.
(संपादन-प्रताप अवचार)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.