बीड : जिल्ह्यातील कोरोना मीटर थांबायला तयार नाही. संपर्कातून संसर्गाची कोरोनाग्रस्तांची साखळी वाढतच आहे. बुधवारी (ता. १५) सहा तालुक्यांतील १९ जणांचे थ्रोट स्वॅब अहवाल पॉझिटीव्ह आले. मात्र, मंगळवारी (ता. १४) मृत्यू झालेल्या दोघांचेही स्वॅब अहवाल निगेटीव्ह आले.
पालकमंत्र्यांपासून अल्पभूधारक शेतकरी ठेवले चार हात दूर, कृषी विभागावर शेतकरी संतापले
परळी व बीडमध्ये कोरोनाग्रस्तांच्या संपर्कातून संसर्गाची साखळी सुरुच आहे. मंगळवारी आढळलेल्या कोरोना पॉझिटीव्हमध्ये शहरातील सहा रुग्णांचा समावेश असून यातील चौघे हे कोरोनाग्रस्तांच्या संपर्कातील आहेत. तर एक महिला तालुक्यातील लिंबा येथील आहे. परळी शहरातही नवे सहा रुग्ण आढळले असून यातील पाच रुग्ण कोरोनाग्रस्तांच्या संपर्कातील असून एक स्टेट बँकेचा ग्राहक आहे.
गेवराईतही नव्या दोन रुग्णांत एक संपर्कातीलच आहे. आष्टीतही एकाला संपर्कातून संसर्ग झाल्याचे समोर आले आहे. माजलगाव तालुक्यातील जदीदजवळा येथील तरुण कोरोनाबाधीत आढळून आला आहे. अंबाजोगाईत एक महिला व एक आठ वर्षीय बालकाला कोरोनाची बाधा झाल्याचे निदान झाले असून दोघेही बार्शीहून आलेले आहेत.
दरम्यान, जिल्ह्यात आतापर्यंत आढळलेल्या कोरोनाग्रस्तांची संख्या २७१ झाली आहे. या रुग्णांमध्ये जिल्ह्यातील पण बाहेर जिल्ह्यात आढळलेल्या आणि बाहेर जिल्ह्यातील पण बीड जिल्ह्यात आढळलेल्या रुग्णांचा समावेश आहे. आतापर्यंत १२ जणांचा कोरोनामुळे मृत्यू झाला असून १४५ जण कोरोनामुक्त झाले आहेत. सध्या जिल्ह्यासह औरंगाबाद, पुणे, अहमदनगर, मुंबई आदी ठिकाणी ११४ जणांवर उपचार सुरु आहेत.
(संपादन प्रताप अवचार)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.