bribe
bribe bribe
मराठवाडा

एसीबीच्या सहाय्यक निरीक्षकानेच मागितली लाच; गुन्हा दाखल

सकाळ वृत्तसेवा

बीड: लाच घेताना पकडलेल्या शाखा अभियंत्यास गुन्ह्याच्या तपासात सहकार्य करण्यासाठी लाचलुचपत प्रतिबंधक विभागाच्याच (Anti Corruption Bureau) सहायक निरीक्षकासह अंमलदाराने लाच मागितल्याचा प्रकार सोमवारी (ता. १४) समोर आला. या प्रकरणी शहर पोलीस ठाण्यात गुन्हा नोंद करण्यासाठी औरंगाबाद येथील लाचलुचपत प्रतिबंधक विभागाचे पथक रात्री आठ वाजता बीडमध्ये धडकले.

गेवराई तालुक्यातील एका गावात सार्वजनिक शौचालय बांधकाम करण्यासाठी अंदाजपत्रकावर तांत्रिक मान्यता देण्यासाठी पंचायत समितीतील ग्रामीण पाणी पुरवठा विभागातील शाखा अभियंता शेख समद नूर मोहम्मद यास एक हजार रुपयांची लाच घेताना रंगेहाथ पकडले होते. बीडच्या लाचलुचपत प्रतिबंधक पथकाने एप्रिल महिन्यात ही कारवाई केली. याचा तपास लाच लुचपत प्रतिबंधक पथकाचे सहायक निरीक्षक राजकुमार पाडवीकडे होता. या गुन्ह्याच्या तपासात सहकार्य करण्यासाठी सहायक निरीक्षक राजकुमार पाडवी याने चिठ्ठीवर दोन लाख रुपयांचा आकडा लिहून लाच मागितली तर त्याचा लेखणिक अंमलदार प्रदीप वीर याने ५० हजार रुपयांची लाच मागितली, अशी तक्रार शेख समद नूर यांचे बंधू जमीलोद्दीन शेख यांनी लाच लुचपत प्रतिबंधक विभागाचे अपर पोलीस महासंचालकांसह औरंगाबादचे पोलीस अधीक्षक राहुल खाडे यांच्याकडे केली.

या तक्रारीच्या अनुषंगाने अपर महासंचालक कार्यालयाने चौकशी केली होती, त्यात सहायक निरीक्षक राजकुमार पाडवी व अंमलदार प्रदीप वीर या दोघांनाही दोषी ठरविण्यात आले. पाडवीची पोलीस महासंचालक कार्यालय, मुंबई येथे तडकाफडकी बदली केली होती तर प्रदीप वीर यास लाच लुचपत प्रतिबंधक विभागातून कार्यमुक्त करुन जिल्हा पोलीस दलात परत पाठविले होते.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Pat Cummins SRH vs RR : डेथ ओव्हरमध्ये कमिन्सचा टेरर! रजवाड्यांची कडवी झुंज मोडून काढत हैदराबादचा नवाबी थाटात विजय

Sharad Pawar on Baramati: बारामती लोकसभेचा निकाल कसा दिसतो? शरद पवार म्हणतात, आजपर्यंत...

Hemant Savara: पालघरचा तिढा अखेर सुटला! हेमंत सावरांना महायुतीकडून उमेदवारी जाहीर

SRH vs RR IPL 2024 : शेवटच्या चेंडूवर भूवीने हैदराबादला मिळवून दिला विजय

Udayanraje Bhosale : साताऱ्यातून उमेदवारी जाहीर करायला भाजपला इतका वेळ का लागला? उदयनराजे भोसलेंनी स्पष्टच सांगितलं; पाहा Exclusive Interview

SCROLL FOR NEXT