उमरगा (उस्मानाबाद) : शहर व तालुक्यात चोरीचे सत्र अलीकडच्या काळात कमी झाले. दरम्यान, काही भुरट्या चोरट्यांकडून बल्ब चोरी करण्याचा अजब प्रकार शहरात घडत आहे. त्यामुळे नागरिक, व्यापारी त्रस्त झाले आहेत. गुरुवारी (ता. २९) सकाळी सहाच्या सुमारास शासकीय विश्रामगृह परिसरातून एका व्यक्तीने बल्ब चोरी केल्याचे सीसीटीव्हीच्या कॅमेऱ्यात दिसून येत आहे.
लॉकडाउनच्या काळात सर्व काही शांत असल्याने चोरांचे प्रकारही थांबले होते. आता महिनाभरापासून बाजारपेठ खुली झाल्याने सर्वत्र वर्दळ वाढली आहे. दिवाळी सणाची कमी-अधिक प्रमाणात लगबग सुरू झाली आहे. चोरांनी आता सणासुदीच्या दिवसांत हात साफाई सुरू केली आहे. कवठ्यातील घरफोडीत चाकूचा धाक दाखवून चोरट्यांनी सव्वा लाखाचा ऐवज लांबविला. त्याचा तपास पोलिस यंत्रणा करीत आहे.
दरम्यान, शहरातील इंदिरा चौकात दोन दिवसांपूर्वी एका दुकानासमोरील चालू बल्ब चोरून नेताना एक महिला सीसीटीव्हीच्या कॅमेऱ्यात कैद झाली आहे. राष्ट्रीय महामार्गालगत एका कुशन मेकरच्या दुकानासमोरील एक बल्ब चोरीला तर एक ट्यूब लाइट फोडण्यात आली. गुरुवारी सकाळी सहाच्या सुमारास एक व्यक्ती दुचाकीवर शासकीय विश्रामगृह परिसरात आली आणि तिने बिनधास्तपणे विश्रामगृहाच्या मुख्य गेटसमोर पाहणी करून नवीन बल्बची चोरी केली. हा प्रकार सीसीटीव्हीमध्ये कैद झाला.
(संपादन-प्रताप अवचार)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.