उस्मानाबाद : तुळजापूर-औसा महामार्गावर कारमालकाला झाडाला बांधून गोळ्या घालण्याची धमकी देत लुटल्याच्या प्रकाराने खळबळ उडाली. त्यानंतर कार पळवून नेण्यात आली. हा प्रकार बुधवारी (ता. तीस) पहाटे अडीच्या सुमारास घडला.
लक्ष्मण सोनकांबळे (रा. वाकडी, जि. रायगड) असे कारचालकाचे नाव असून, त्यांच्याजवळील मोबाइल आणि रोकडही लुटारूंनी लंपास केली. लक्ष्मण सोनकांबळे पहाटेच्या सुमारास त्यांच्या हुंदाई कारमधून (एमएच ०४, एफएफ ५९१) औशावरून तुळजापूरच्या दिशेने जात होते.
टोलनाक्यापासून वीस किलोमीटरवर आले असता, पाच दरोडेखोरांनी त्यांना कार बाजूला घेण्यास सांगितले. त्यानंतर बंदुकीचा धाक दाखविण्यात आला. ‘‘आवाज करू नको, नाहीतर गोळी घालेन, तुझ्याजवळचे सर्व पैसे आमच्याकडे दे,’’ असे धमकावले. यावेळी लुटारूंनी त्यांच्याजवळील दोन मोबाइल व आठ हजार रुपये काढून घेतले. त्यानंतर त्यांना त्यांच्याच गाडीत बसवून आणल्यानंतर नळदूर्ग रोडवरील चिंचेच्या झाडाला बांधले. त्यानंतर हुंदाई कार घेऊन दरोडेखोर पसार झाले. या प्रकरणी सोनकांबळे यांच्या फिर्यादीवरून तुळजापूर पोलिस ठाण्यात गुन्हा दाखल करण्यात आला. या घटनेने परिसरात दहशतीचे वातावरण निर्माण झाले आहे.
(संपादन-प्रताप अवचार)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.