कोरोनायोद्धे डॉक्टर अन् पोलिसांना कोरोनाची पहिली लस : आरोग्यमंत्री टोपे यांची माहिती
जालना : कोरोनाची लस आल्यानंतर पहिल्या टप्प्यात डॉक्टर, पोलिस व पन्नास वर्षांपुढील ज्यांना विविध आजार आहे अशा रुग्णांना देण्याचे नियोजन केले जात आहे, अशी माहिती राज्याचे आरोग्य मंत्री राजेश टोपे यांना मंगळवारी (ता.एक) जालना येथे दिली. पदवीधर निवडणुकीसाठी मतदान हक्क बजावल्यानंतर श्री. टोपे हे पत्रकारांशी बोलत होते.
यावेळी आरोग्यमंत्री श्री. टोपे म्हणाले की, कोरोनावरील लस लवकर यावी यासाठी देशातील पाच कंपन्यांकडून काम सुरू आहे. लस आल्यानंतर ती देण्यासाठी केंद्र शासनाकडून मार्गदर्शक सूचना येत आहेत. त्यामुळे पहिल्या टप्प्यात डॉक्टर, पोलिस, 50 वर्षांपुढील कोमॉर्बिड रूग्ण व त्यानंतर जेष्ठ नागरिकांना क्रमवारीने माहिती संकलन करण्याचे काम सुरू आहे. या क्रमवारीनुसार कोरोनाची लस देण्याची केंद्र शासनाची मनिषा दिसून येत असून त्यांच्या निर्देशानुसार कोरोना लसीकरणाची कारवाई केली जाणार आहे.
कोरोनाच्या लसीकरणावर केंद्र व राज्य शासनाचे नियंत्रण असणार आहे. त्यामुळे केंद्र शासनाच्या मार्गदर्शक सूचनाप्रमाणेच कोरोना लसीकरण केले जाणार आहे. त्यामुळे कोणीही काहीही म्हणाले तरी प्रत्येकाला लसीकरणाच्या टप्प्यानुसारच कोरोनाची लस दिली जाईल. मात्र, कोरोनाची लस नेमकी कधी येईल याची आज तारीख सांगता येणार नाही. मात्र, कोरोनाची लस आल्यानंतर पहिल्या टप्प्यात लसीकरण कसे करता येईल याची माहिती संकलनाचे काम सुरू असल्याचे आरोग्य मंत्री राजेश टोपे यांनी सांगितले आहे.
(संपादन-प्रताप अवचार)
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.