चाकूर (लातूर) : तालूक्यात मंगळवारी (ता.१३) रात्री पासून वादळी वाऱ्यासह झालेल्या पावसामुळे शेतातील उस आडवे पडले असून अनेक ठिकाणी झाडे उन्मळून पडल्यामुळे शेतकऱ्यांचे नुकसान झाले आहे. चाकूर व शिरूर अनंतपाळ तालूक्यातील अनेक गावांना पाणीपुरवठा करणारा घरणी मध्यमप्रकल्प पुर्णता भरला आहे. 

मराठवाड्यातील अन्य बातम्या वाचण्यासाठी यावर क्लिक करा..!

तालूक्यात सर्वत्र मंगळवारी रात्री पासून मुसळधार पावसाला सुरूवात झाली आहे. वादळी वाऱ्यामुळे उभा उस आडवा पडला असल्यामुळे झरी (बु), राचन्नावाडी, शेळगाव या भागातील शेतकऱ्यांचे मोठे नुकसान झाले आहे. काही भागात मोठी झाडे उन्मळून पडली आहेत. पावसाच्या 
अंदाज लक्षात घेऊन शेतकऱ्यांनी सोयाबीनची काढणी करून ढिग लावले आहेत. वाऱ्यामुळे सोयाबीनच्या ढिगावरील ताडपत्री उडून गेल्यामुळे सोयाबीनचे नुकसान झाले आहे. 

औरंगाबाद जिल्ह्यातील महत्त्वाच्या बातम्या वाचण्यासाठी येथे क्लिक करा.

बुधवारी (ता.१४) सकाळ पर्यंत झालेला मंडळ निहाय पाऊस :

 चाकुर- ७२ मी.मी, नळेगाव ७० मिमी, वडवळ नागनाथ ५० मिमी, झरी बु. २१ मिमी, शेळगाव ५३ मिमी, आष्टा ५७ मिमी, पाऊस झाला आहे. तालूक्यात आजपर्यंत ८०२ मी.मी पाऊस झाला असून एकुण सरासरीच्या ८६.८९ टक्के पाऊस झाला आहे. यापावसामुळे नदी नाल्यातून पाणी वाहू लागल्यामुळे तलावातील पाणी साठ्यात वाढ होणार आहे. विविध गावांना पाणी पुरवठा करणारे घरणी मध्यम प्रकल्प, संगाचीवाडी, बोथी, राचन्नावाडी या तलावात पाणी पातळीत वाढ होत असून घरणी मध्यम प्रकल्प पुर्णता भरला आहे. 

देशभरातील महत्त्वाच्या बातम्या वाचण्यासाठी येथे क्लिक करा.

सतर्कतेचा इशारा

पावसामुळे तालुक्यातील काही भागातील शेतकऱ्यांच्या शेतातील उस आडवा पडला असून पुढील तीन दिवस होणाऱ्या वादळी वाऱ्यासह पावसामुळे शेतकऱ्यांनी सतर्क राहावे असे आवाहन तहसीलदार डॉ. शिवानंद बिडवे यांनी केले आहे.

(संपादन-प्रताप अवचार)