औरंगाबाद: महापालिकेने परवानगी दिल्यानंतर चिकलठाणा व रेल्वेस्टेशन एमआयडीसीतील कंपन्या सुरू झाल्या आहेत. आधीच्या वाळूज, शेंद्रा एमआयडीसीप्रमाणेच चिकलठाणा, रेल्वेस्टेशन एमआयडीसीही आता पूर्ण क्षमतेने सुरू होण्याच्या मार्गावर आहेत. दोन्ही एमआयडीसीमधील बरेच लघुउद्योग प्रत्यक्ष सुरू झाले आहेत, अशी माहिती मासिआचे उपाध्यक्ष अभय हंचनाळ यांनी दिली. दरम्यान, या कंपन्यांमध्ये आधी काम करणारे परप्रांतीय मजूर गावाकडे गेले आहेत. त्यामुळे स्थानिक तरुणांना ५० हजारांवर रोजगाराच्या संधी निर्माण झाल्या आहेत.

 चिकलठाणा व रेल्वेस्टेशन एमआयडीसी महापालिका हद्दीत येतात. शहर ‘रेड झोन’मध्ये असल्याने त्यांना परवानगी मिळत नव्हती. उद्योग संघटनांनी पाठपुरावा केल्यानंतर परवानगी मिळाली. प्रत्येक कंपनीत ३० ते ४० टक्के कामगार उपस्थित राहत आहेत.

हेही वाचा :  CoronaUpdate :आज 28 रुग्णांची वाढ,एकुण@ 1487

येत्या काही दिवसांतच कंपन्या पूर्ण क्षमतेने सुरू करण्याचा प्रयत्न उद्योजकांचा आहे. असे असले तरी उद्योजकांना मनी, मॅनपावर आणि मार्केट या तीन ‘एम’वर काम करावे लागणार आहे. आर्थिक योजनांचा लाभ लघू आणि सूक्ष्म लघुउद्योजकांना मिळवून देण्यासाठी संघटनेकडूनही प्रयत्न केल्या जातील. बँका आणि उद्योजक यांच्यात समन्वयक म्हणून ‘मासिआ’ काम करेल, असेही श्री. हंचनाळ यांनी सांगितले. 

हेही वाचा : चिमुकल्यांनी जोडलेले हात करतात अस्वस्थ  

बहुतांश उद्योग हे बाजारपेठांवरच अवलंबून असतात. पुढील काही दिवस जुन्या मिळालेल्या ऑर्डरवर काम करता येईल; मात्र अर्थचक्र सुरळीत चालण्यासाठी बाजारपेठा लवकरात लवकर सुरू होणे आवश्यक आहे, तरच रोजगार टिकून राहील, असे मत उद्योजकांनी व्यक्त केले आहे. 

हेही वाचा : VIDEO : हर्षवर्धन जाधव यांची दानवेंना आत्महत्येची धमकी, केले गंभीर आरोप
सधींचा लाभ घ्या ः हंचनाळ 
शहर व जिल्ह्यातील सर्व एमआयडीसीमध्ये अडीच लाखांपेक्षा अधिक स्थलांतरित मजूर काम करीत होते. आता बरेचसे मजूर गावी परतले आहेत. यामुळे आजघडीला सर्व एमआयडीसींमध्ये जवळपास ५० हजार नवीन रोजगार निर्माण झाला आहे. स्थानिक तरुणाईला ही मोठी संधी आहे. या संधीचा लाभ त्यांनी घ्यायला पाहिजे, असे मत मासिआचे उपाध्यक्ष अभय हंचनाळ यांनी मांडले.