परळी वैजनाथ (बीड) : परळी येथील शिवछत्र प्रतिष्ठानच्या वतीने दिपवाळीनिमित्त शिवाजी चौकातील छत्रपती शिवाजी महाराजांचा पुतळा व परिसर शेकडो दिव्यांनी उजळून निघाला. यावेळी मशालीही प्रज्वलित करुन दीपोत्सव साजरा करण्यात आला.
मागील सहा वर्षापासून हा उपक्रम येथील शिवछत्र प्रतिष्ठानच्या वतीने सुरू आहे. दिवाळीनिमित्त शिवाजी चौकातील छत्रपती शिवाजी महाराज व जिजामाता उद्यानातील राष्ट्रमाता जिजाऊंच्या पुतळयाची स्वच्छता करुन परिसर सुशोभित करण्यात आला. शनिवारी. रविवारी आणि आज सोमवारी सायंकाळी शंभरावर पणत्या याठिकाणी प्रज्वलित केल्या गेल्या.
शिवाय चारही बाजूने मशाली लावण्यात आल्या. यामुळे शिवछत्रपती व जिजाऊंचा पुतळा शेकडो दिव्यांच्या प्रकाशाने उजळून निघाला होता. यावेळी शिवछत्र प्रतिष्ठानचे श्रीकांत माने, लक्ष्मण कलमे, ॠषी राठोड, राज जाधव, सोनू शिंदे, संदीप देशमुख, भूषण जाधव, संजय कदम, सोमेश कांदे, प्रवीण तरडे, रोहित खासरे, सुशिल पाटील यांच्यासह इतर सहकारी उपस्थित होते.
(संपादन-प्रताप अवचार)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.