मुरूड (जि. लातूर) : राष्ट्रवादी कॉंग्रेसचे अध्यक्ष शरद पवार यांचा वाढदिवस दरवर्षी थाटात साजरा करणारे येथील कार्यकर्ते लक्ष्मीकांत तवले यांनी यंदा बळीराजा कृतज्ञता दिन साजरा करताना बॅनरबाजीचा खर्च टाळला. बचत झालेल्या रक्कमेतून मुरूड जिल्हा परिषद गटातील सहा शेतकऱ्यांच्या आत्महत्याग्रस्त विधवांच्या नावे प्रत्येकी दोन हजार ऐंशी रुपये मुदत ठेवीत (एफडी) गुंतवले.
या वेळी सरपंच अभयसिंह, उपसरपंच आकाश कणसे, माजी सरपंच जयश्री पांगळ, गुंफावाडीचे उपसरपंच आदिनाथ गायकवाड, माजी सरपंच रामानंद जाधव, अक्षय चव्हाण, निलेश नाडे, महेश सुरवसे, भालचंद्र धावारे, राहुल टिळक, अमर जयदेव मोरे, दत्ता नाडे, सतीश मिसाळ, समाधान नाडे, अजय पिंगळे, अजित खोडसे, आनंद शिंदे व दत्ता धुमाळ उपस्थित होते. डॉ.कै. पद्मश्री आप्पासाहेब पवार प्रतिष्ठानचे अध्यक्ष असलेले श्री. तवले दरवर्षी पवार यांच्या वाढदिवस विविध कार्यक्रमांनी साजरा करतात. जिल्हा परिषद गटात ते वाढदिवसाच्या अभिष्टचिंतनाचे बॅनर लावतात.
हे माहिती हवेच : आजारपण आल्यावर नको धावाधाव : जाणून घ्या आरोग्य योजना
यंदा त्यांनी बॅनरबाजीला फाटा देत आत्महत्याग्रस्त शेतकरी कुटुंबांना मदत करण्याचा निर्णय घेतला. यातूनच खर्चातील बचतीची रक्कम त्यांनी आत्महत्याग्रस्त शेतकऱ्यांच्या पत्नीच्या नावे दामदुपट मुदत ठेवीत गुंतवली. यासोबत पवार यांच्या वाढदिवसानिमित्त जिल्हा परिषद गटातील एक कोटी पन्नास लाख रुपये निधीच्या विविध विकास कामांचा प्रारंभ गुंफवाडी (ता. लातूर) येथे आत्महत्याग्रस्त शेतकऱ्यांच्या पत्नी राजूबाई वेंकट वगरे यांच्या हस्ते केला. या वेळी विष्णू महानवर, दत्ता महानवर, पवन झोडगे, अनंत शिंदे, पांडुरंग शिंदे, मकरंद पिंपरे, प्रमोद गाडे, शिवलाल गाडे, विक्रम पिंपरे उपस्थित होते.
मृत्यूदंड - कसा तयार होतो फाशीचा दोर? काय म्हणतात त्याला...
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.