जळकोट (लातूर) : शहरातील व्यापाऱ्याच्या एकाच कुटूंबातील २ जणाला कोरोनाची बाधा झाल्याने जळकोटकरांना मंगळवारचा दिवस धक्का देणारा ठरला आहे. शिवाय धामणगाव ता. जळकोट येथील ७५ वर्षाच्या निवृत्त शिक्षकांचा मृत्यू झाला असून त्याचा रिपोर्ट पॉझिटिव्ह आल्याने खळबळ उडाली आहे.
तालूक्यातील घोणसी गावात १ तर जळकोट शहरात गावात २, धामणगाव २ रुग्ण कोरोना पॉझिटिव्ह आढळून आले आहे. कोरोनाचे वारे शांत झाले होते. मात्र शहरातील व्यापाऱ्याच्या घरातील दोघांना कोरोनाची लागण झाली आहे.
कोरोनाचा प्रादुर्भाव दिवसेंदिवस वाढत आहे. सुरुवातीला जळकोट तालुक्याच्या शेजारील असलेल्या तिरुका गावापुरता मर्यादित असणारा आता शहरात पोहचला असून जुलैचा शेवटचा आठवडा जळकोटकरांची झोप उडविणार ठरला आहे. पोलीस, महसूल, आरोग्य प्रशासनाकडून घालून देण्यात आलेल्या नियमांचे नागरिकांकडून उल्लंघन होत असल्याने तालुका टाळेबंदी करण्याची गरज निर्माण झाली आहे. तालुक्यातील २२ जणांचे स्वॅब तपासणीसाठी पाठविले आहेत.
दरम्यान शहरातील कृषीनगर भागातील एक रुग्ण पॉझिटिव्ह आला होता. मंगळवारी दुसरा पॉझिटिव्ह आला. शहर, ग्रामीण भागात आता आठ रुग्णांची संख्या झाली आहे. तालुक्यात कोरोनामुळे तिघांचा मृ्त्यू झाला असून यात एकुर्गा, तिरुका, धामणगाव (ता.जळकोट) या गावाचा समावेश आहे.
Edited by pratap awachar
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.