जालना : जालना जिल्ह्यात कोरोना मीटर सुरू आहे. मंगळवारी (ता. चार) २८ कोरोनाबाधितांचे अहवाल पॉझिटिव्ह आले आहेत. परिणामी जालना जिल्ह्यात चार महिन्यात चोवीसशे कोरोनाग्रस्त आढळून आले आहे. त्यापैकी एक हजार ५६२ जण कोरोनामुक्त झाले आहेत. सध्या ७६४ कोरोनाग्रस्तांवर उपचार सुरू आहेत.
जालना शहरासह जिल्ह्यात कोरोनाचा विळखा वाढू लागला आहे. जालना शहरात सर्वाधिक कोरोनाबाधित रूग्ण आढळून आले आहेत. जिल्ह्यात प्रत्येक दिवसाला कोरोनाबाधित रूग्ण आढळून येत आहे. त्यामुळे एप्रिल महिन्यात केवळ तीन कोरोनाबाधित रूग्ण असलेल्या जालना जिल्ह्यात (ता.चार) ऑगस्टपर्यंत तब्बल दोन हजार ४०५ कोरोनाबाधित रूग्ण झाले आहेत. त्यामुळे मागील काही महिन्यांपासून जिल्ह्यात कोरोनाचा प्रसार झपाट्याने वाढत असल्याचे चित्र आहे.
दरम्यान जिल्ह्यात कोरोनाचा प्रसार झपाट्याने वाढ असताना कोरोनाग्रस्त रूग्ण कोरोनामुक्त होण्याचे प्रमाण ही वाढल्याचे चित्र आहे. जालना येथील कोविड रूग्णालय येथे आतापर्यंत उपचाराअंती एक हजार ५६७ कोरोनाग्रस्त रूग्ण कोरोनामुक्त झाले आहेत. त्यामुळे कोरोनाग्रस्त रूग्णांचा रेकव्हरी रेटही वाढत असल्याने दिलास मिळला आहे. दरम्यान सध्या ७६४ कोरोनाग्रस्तांवर कोव्हीड रूग्णालयात उपचार सुरू आहेत.
७४ जणांचा आतापर्यंत मृत्यू
जिल्ह्यात एप्रिल ते ऑगस्ट या महिन्यांच्या काळात जिल्ह्यात दोन हजार ४०५ कोरोनाबाधित आढळून आले आहेत. त्यापैकी आतापर्यत ७४ कोरोनाबाधितांचा मृत्यू झाला आहे. या मृत्यू झालेल्या रूग्णांमध्ये जालना शहरातील कोरोनाबाधित रूग्णांची संख्या अधिक आहे.
Edited By Pratap Awachar
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.