जालना : कोरोनाचा वाढता प्रादुर्भाव जालनेकर गांर्भीयाने घेत नसल्याने आणि शासनाने दिलेल्या सूचनांचे पालन करत नसल्याने जिल्ह्यात कोरोनाचा जोर वाढला आहे. आज सकाळी आरोग्य विभागाला पुन्हा ३१ जणांचा अहवाल पॉझिटिव्ह प्राप्त झाला आहे. यात जालना शहरातील तब्बल २७ जणांचा समावेश आहे.
जालना शहरात कोरेानाचा संसर्ग दिवसेंदिवस वाढत आहे. रविवारी ४३, सोमवारी अठरा आणि आज पुन्हा ३२ रूग्णांची भर पडल्यामुळे एकूण बाधितांचा आकडा ५५४ वर पोचला आहे.
या भागातील रुग्णांचा समावेश
आज पॉझिटिव्ह आलेल्या रुग्णामध्ये शहरातील विणकर मोहल्ला सात, हॉटेल अमित परिसरातील तीन, वसुंधरानगर मधील तीन, जुना जालना भागातील संजोग नगरमधील दोन, मस्तगड, भरत नगर, व्यंकटेश नगर, जेपीसी बॅंक कॉलनी, बरवार गल्ली, संभाजी नगर, सत्कर नगर, अकेली मस्जिद, मिशन हॉस्पिटल, मंगल बाजार, नरीमन नगर, आणि पेन्शनपुरा या भागातील प्रत्येकी एक तर जाफराबाद तालुक्यातील टेंभुर्णी येथील चार रुग्णांचा समावेश आहे. सातत्याने रूग्णांची भर पडत असल्याने जिल्ह्यातील एकूण बाधितांचा आकडा ५५४ झाला असून त्यापैकी ३३६ रुग्ण बरे झाले आहे. सध्या रुग्णालयात ३०५ रुग्णांवर उपचार सुरू आहे. आतापर्यंत तेरा कोरोना बाधित रुग्णांचा मृत्यू झाला आहे.
जालना कोरोना मिटर
एकुण बाधित ५५४
बरे झाले ३३६
उपचार सुरू २०५
मृत्यू १३
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.