अंबड (जि.जालना) : अंबड तालुक्यातीळ खडकेश्वर-ताड हदगाव येथील लघु पाझर तलावात येथील शेतकरी कुंडलिक विश्वनाथ हरिश्चंद्रे यांनी मंगळवारी (ता.३०) तलावातील पाणी उपसा बंद करण्यासाठी जलसमाधी आंदोलन सुरू केले. पोलिसांनी तात्काळ धाव घेत आंदोलक शेतकर्याला ताब्यात घेतले.
ताडहदगाव (ता. अंबड जि.जालना) येथील शेतकरी हरिश्चंद्रे यांनी यापूर्वी प्रशासनाला वेळोवेळी लेखी निवेदन देऊन, खडकेश्वर-ताड हदगाव येथील लघु पाझर तलावातील जलसाठ्यावर अनेकांनी रात्री-बेरात्री तसेच दुपारी
पाण्याचा सर्रास उपसा सुरुच असल्याचे निर्दशनात आणून दिले. पाझर तलावातील होणार पाणी उपसा तात्काळ बंद करून पिण्याच्या पाण्यासह जनावरांसाठी राखीव ठेवण्यात यावा अशी लेखी स्वरूपात मागणी प्रशासनाकडे केली.
मात्र प्रशासनाने याकडे सतत कानाडोळा केला. अखेर शेतकरी हरिश्चंद्रे यांनी प्रशासनाला जलसमाधी आंदोलन करण्याचा इशारा दिला. मंगळवारी ता.३० सकाळपासून जलसमाधी आंदोलन सुरू केले आहे. यामुळे प्रशासन खडबडून जागे झाले आहे.
याप्रसंगी पाटबंधारे विभागाचे कार्यकारी अभियंता रायबेले, महसूल विभागाचे मंडळाधिकारी शिवाजी गाडेकर, तलाठी प्रतिमा नागरे व अंबड पोलीस ठाण्याचे पोलीस उपनिरीक्षक शैलेश शेजुळ यांनी भेट दिली. तलावात जलसमाधी आंदोलन करण्यास बसलेले कुंडलिक हरिश्चंद्रे याना पोलीस उपनिरीक्षक शैलेश शेजुळ यांनी पाण्याच्या बाहेर काढून ताब्यात घेतले आहे
. आंदोलन पाहण्यासाठी गर्दी
खडकेश्वर तलावात जलसमाधी आंदोलनास बसलेल्या कुंडलिक हरिश्चंद्रे यांना पाहण्यासाठी ताडहदगाव, बनगाव, खडकेश्वर, भालगाव, पांगरखेडासह परिसरातील ग्रामस्थांनी मोठी गर्दी केली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.