अबंड (जि.जालना) : जालना महामार्गावरील पारनेर पेट्रोलपंपालगत डाबरूळ फाट्यावर दुचाकी-ट्रकची समोरासमोर धडक झाली. या अपघातात दुचाकीचालक युवक पुनमचंद शेषराव जाधव (वय२०) हा जागीच ठार झाला आहे. मृत युवक हा औरंगाबाद जिल्ह्यातील सोयगाव तालुक्यातील जामठीतांडा येथील आहे.
याबाबत सविस्तर माहिती अशी की, सोयगाव तालुक्यातील जामठीतांडा येथील तरुण हा जालना शहरकडून उस्मानाबादकडे जात होता. अंबड शहरालगत त्याला अंबड कडून जालन्याकडे जाणाऱ्या मालट्रकने उडविल्याने तो जागीच गतप्राण झाला. या घटनेची माहिती कळताच परिसरातील ग्रामस्थ मदतीसाठी धावले. मात्र, दुचाकीस्वार जाग्यावरच ठार झाला होता.
पोलिसांना माहिती मिळताच अंबड पोलिस ठाण्याचे फौजदार नारायण शेळके, कचरू दाभाडे, लहाने सह आदींनी घटनास्थळी धाव घेतली. ग्रामस्थांच्या मदतीने पुनमचंद जाधव यांचा मृतदेह अंबडच्या उपजिल्हा रुग्णालयात रुग्णवाहिकेतून नेण्यात आला. शवविच्छेदनाची प्रक्रीया सुरु होती.
(संपादन-प्रताप अवचार)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.