लातूर : जिल्ह्यात कोरोना रुग्णांच्या संख्येत लक्षणीय घट झाली आहे. तरीदेखील रोज ४० ते ५० जणांना कोरोनाची लागण होत आहे. गेल्या आठ महिन्यांत जिल्ह्यात २२ हजार २० जणांना कोरोनाची लागण झाली आहे. यापैकी २१ हजार पाचजणांनी कोरोनावर मात केली आहे.
जिल्ह्यात एप्रिलपासून कोरोनाचे रुग्ण समोर आले. एप्रिल ते जूनमध्ये रुग्णांचे प्रमाण कमी होते. त्यानंतर मात्र दिवसेंदिवस रुग्णाचा आकडा वाढत गेला. सप्टेंबरमध्ये तर हा आकडा दहा हजारांच्या घरात गेला. त्यानंतर ऑक्टोबरपासून रुग्णांच्या संख्येत हळूहळू घट होत चालली आहे. नोव्हेंबरमध्ये तर रुग्णांची संख्या लक्षणीय घटली. सरासरी चाळीस पन्नास रुग्ण आता समोर येत आहेत.
नागरिकांनी तोंडाला मास्क लावणे, सतत हात धुणे, सोशल डिस्टन्सिंगचा वापर करणे या नियमाचे पालन केले तर ही संख्या आणखी कमी होण्यास मदत होणार आहे. जिल्ह्यात आतापर्यंत २२ हजार २० जणांना कोरोनाची लागण झाली आहे. त्यात ६५१ जणांचा मृत्यू झाला. सध्या ३६४ जणांवर उपचार सुरू आहेत. यापैकी १०८ जण घरातच उपचार घेत आहेत. आतापर्यंत २१ हजार पाच जणांनी कोरोनावर मात केली आहे.
एकूण बाधित - २२,०२०
उपचार सुरू असलेले - ३६४
बरे झालेले - २१,००५
एकूण मृत्यू - ६५१
edit-pratap awachar
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.