नळेगाव (लातूर) : लिंबाळवाडी (ता.चाकुर) येथील एका व्यक्तीचा शेतीच्या वादावरून खून झाल्याप्रकरणी सहा जणांवर शिरूर अनंतपाळ पोलीस स्टेशनमध्ये खूनाचा गुन्हा दाखल झाला आहे.
पोलिस सूत्रांकडून मिळालेल्या माहितीवरून, चाकूर तालुक्यातील लिंबाळवाडी येथील रावसाहेब गुंडाजी गजिले यांनी वीस ते पंचवीस वर्षापूर्वी हुसेन नबी शेख (रा.शिवपुर, ता. शिरूर अनंतपाळ) यांचेकडून अडीच एकर शेती खरेदीचा व्यवहार केला होता. व्यवहार केल्याप्रमाणे अडीच एकर शेतीपैकी दीड एकर शेती हुसेन शेख यांची बहीण हिरा शेख यांच्या नावावर होती.
आम्हाला ठराव केल्याप्रमाणे जमीन न देता शिवपुर येथील भास्कर कुंभार यास विक्री केली आहे. आमच्या नावावरील शेती पण त्याचीच आहे म्हणून तो नेहमी वाद घालत होता. सदर जमिनीवर आम्ही पेरणी केली होती. गुरुवारी (ता.एक ) आमच्या शेतातील सोयाबीन काढत असताना सायंकाळी चार वाजण्याच्या सुमारास भास्कर कुंभार, सुभाष कुंभार, दत्ता कुंभार, सोन्या कुंभार, सुभाष कुंभार यांची पत्नी, भास्कर कुंभार यांची पत्नी शेतीत आले. शेतातील सोयाबीन काढायचे नाही. म्हणून सुभाष कुंभार, दत्ता कुंभार यांनी रावसाहेब गजिले यांच्या छातीत बुक्क्या मारून जोरात खाली जमिनीवर ढकलून दिले. त्यात त्यांचा मृत्यू झाला. अखेर कमलबाई रावसाहेब गजिले यांच्या फिर्यादीवरून शिरूर अनंतपाळ पोलीस स्टेशन मध्ये सहा जणांवर खूनाचा गुन्हा दाखल करण्यात आला.
(संपादन-प्रताप अवचार)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.