नांदेड: सततच्या नापिकीला व काढलेल्या कर्जाला कंटाळून एका शेतकऱ्याने विष प्राशन करून आत्महत्या केली. ही घटना हदगाव तालुक्यातील काळेश्‍वर येथे दहा एप्रिल रोजी घडली.

हदगाव तालुक्यातील काळेश्‍वर येथील गोविंदराव मोहनाजी जाधव (वय ६५) यांच्या शेतावर सतत नापिकी होती. नापिकी होत असल्याने त्यांनी कर्ज काढले होते. नापिकीमुळे ते कर्जाची परतफेड करू शकत नव्हते. त्यातून त्यांनी चार एप्रिल रोजी विष प्राशन केले. उपचारादरम्यान दहा एप्रिल रोजी त्यांचे निधन झाले. याप्रकरणाची माहिती जिजाबाई गोविंदराव जाधव यांनी हदगाव पोलिसांना दिली. यावरून चार जुलै रोजी आकस्मिक मृत्यूची नोंद करण्यात आली. तपास पोलिस उपनिरीक्षक रहेमान करीत आहेत.