औरंगाबाद - राज्यातील स्कूल बसची तपासणी करून अहवाल पाठविण्याचे आदेश राज्य परिवहन आयुक्तांनी दिले होते; मात्र जिल्ह्यातील स्कूल बस तपासणी अद्याप गुलदस्त्यात आहे. या तपासणीबद्दल आरटीओ कार्यालयाने मात्र दुर्लक्ष केल्याचे दिसून येत आहे. 

राज्यातील स्कूल बसचे वाढते अपघात रोखण्यासाठी परिवहन आयुक्तालयाने राज्यभर स्कूल बस तपसाणी करण्याचे निर्देश दिले आहेत. परिवहन विभागाच्या आदेशाप्रमाणे राज्यभर स्कूल बसची तपासणी सुरू करण्यात आली आहे; मात्र औरंगाबाद आरटीओ कार्यालयाने अद्यापही व्यापक मोहीम सुरू केली नाही, ही गंभीर बाब आहे. स्कूल बसच्या फिटनेस तपासणीचा
महत्त्वाचा भाग असतो. स्कूल बसची प्रत्येक वर्षी फिटनेस तपसाणी करून घेणे आवश्‍यक असते; मात्र स्कूल बसच्या फिटनेस तपासणीकडे नेहमीच दुर्लक्ष करण्यात येते.

हेही वाचा : अंमली पदार्थाचे सेवन म्हणजे आयुष्यावर दरोडा! 

आरटीओ कार्यालयातर्फे वारंवार स्कूल बस तपासणीसाठी संधी दिली जाते तरीही स्कूल बसचालक तपासणीकडे दुर्लक्ष करतात ही वस्तुस्थिती आहे. स्कूल बसला नियमानुसार स्पीड गर्व्हनर बसवणे बंधनकारक केलेले आहे; मात्र शहरातील बेफाम धावणाऱ्या स्कूल बस पाहिल्यानंतर या स्कूल बसला स्पीड गर्व्हरनर आहे किंवा नाही याची शंका येते. एकूणच परिस्थितीने स्कूल बसची सातत्याने तपासणी होणे आवश्‍यक आहे; मात्र आरटीओ कार्यालय त्याकडे दुर्लक्ष करते. 

काय होईल - बाइकमध्ये पेट्रोलऐवजी डिझेल टाकले तर...? जाणून घ्या!
 
जिल्ह्यामध्ये 1700 स्कूल बस 
जिल्ह्यामध्ये 1700 स्कूल बस आहेत. जूनमध्ये शाळा सुरू होण्याच्या काळात काही प्रमाणात कारवाई करण्यात आली; मात्र त्यानंतर पुन्हा स्कूल बसच्या विरोधात मोहीम राबविण्यात आली नाही. गेल्या आठवड्यात परिवहन विभागाने स्कूल बस तपासणी मोहीम राबविण्याचे आदेश दिल्यानंतरही आरटीओ कार्यालयाने व्यापक मोहीम सुरू केली नाही. त्यामुळे केवळ कागदोपत्री काम करण्याचे धोरण आरटीओ कार्यालय राबवीत आहे. 

जाणून घ्या - लवकर खराब होते तरीही हॉटेलमध्ये पांढऱ्याच बेडशीट का वापरतात? वाचा..