लातूर : जिल्ह्यात दररोज कोरोना बाधितांची संख्या वाढत असताना कोरोनावर मात करणाऱयांची संख्याही लक्षणीय वाढली आहे. आतापर्यंत एक हजार २७ बाधितांनी कोरोना विरुद्धचे युद्ध जिंकले आहे. शासकीय रुग्णालयात योग्य उपचार, प्रतिकारशक्ती आणि इच्छाशक्तीच्या जोरावर या बाधितांनी कोरोनावर मात केली आहे.
कोरोनाचा प्रादूर्भाव रोखण्यासाठी मार्चपासून लॉकडाऊन सुरु झाला. लातूर जिल्ह्यात सुरवातीची एक दीड महिना एकही रुग्ण नव्हता. अऩलॉक सुरु झाल्यापासून रुग्णांची संख्या लक्षणीय वाढत चालली आहे. त्यानंतर लॉकडाऊन करूनही ही संख्या कमी होताना दिसत नाही. दररोज सरासरी ५० ते ६० रुग्णांची भर पडत आहे. सध्या जिल्ह्यात एक हजार ७४७ कोरोना बाधित झाले आहेत. यात सध्या ६३९ जणावर जिल्ह्यातील विविध रुग्णालयात उपचार सुरु आहेत. तर एक हजार २९ बाधितांनी कोरोनावर मात केली आहे. ठणठणीत होवून ते घरीही गेले आहेत.
सध्या जिल्ह्यातील विलासराव देशमुख शासकीय वैद्यकीय विज्ञान संस्था, तसेच उपजिल्हा रुग्णालये, ग्रामीण रुग्णालयात कोरोनावर योग्य पद्धतीने उपचार केले जात आहेत. तसेच कोविड केअर सेंटरमध्ये देखील उपचारासोबतच त्यांची योग्य काळजी घेतली जात आहे. कोविड केअर सेंटरमध्ये कमी लक्षणे असलेल्या रुग्णांचा समावेश आहे. तेथे योग, प्राणायाम, योग्य आहार, आयुर्वेदिक काढा आदी पद्धतीने उपचार केले जात आहेत.
योग्य उपचार, प्रतिकार शक्ती आणि इच्छा शक्तीच्या जोरावर या बाधितानी कोरोनावर मात करून घर गाठले आहे. यात लहान मुले, मुली, महिला, पुरुष तसेच ज्येष्ठ नागरीक अशा सर्वच वयोगटातील व्यक्तींचा समावेश आहे. इतक्या मोठ्या संख्येने रुग्ण बरे होणे ही जिल्ह्याच्या दृष्टीने समाधानाची बाब आहे.
(Edited by pratap awachar)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.