उस्मानाबाद : जिल्ह्यामध्ये रविवारी आलेल्या अहवालामध्ये १७४ जणांना कोरोनाची लागण झाली आहे. यामध्ये उमरगा येथे ६३ रुग्णाचा समावेश आहे. तसेच उस्मानाबाद ५४ तर तुळजापुर तालुक्यात ४४ अशी रुग्णसंख्या वाढत असल्याचे दिसुन येत आहे.
जिल्हा रुग्णालय येथुन शासकीय वैद्यकीय महाविद्यालय औरंगाबाद व डॉ.बाबासाहेब आंबेडकर मराठवाडा विद्यापीठ उपकेंद्र येथे एकुण ५१३ स्वॅब नमुने पाठविण्यात आले होते. त्यातील ४७८ अहवालप्राप्त झाले आहेत. त्यामध्ये १७४ लोकांचे अहवाल पॉझिटिव्ह आले असुन तर २६० निगेटिव्ह आले आहेत. अजुनही ४४ अहवाल प्रलंबित आहेत.
उस्मानाबाद शहरातील ओम नगर एक, स्त्री रुग्णालय दोन, आडत लाईन एक, शासकीय तंत्रनिकेतन एक, शंकर नगर एक, शिवाजी नगर, एक,सावरकर चौक एक, विद्यानगर एक, काकडे प्लॉट सहा, ज्ञानेश्वर नगर एक, शिक्षक कॉलनी एक, उंबरे कोठा दोन, नाईकवाडी नगर एक, पारीजातक अपार्टमेंट दोन, दत्त नगर एक, देवकते गल्ली दोन, आनंद नगर दोन, दर्गा रोड दोन,हनुमान चौक तीन, धाराशिव मर्दीनी परिसर एक, जिल्हा कारागृह एक, जिल्हा रुग्णालय एक आदी भागात रुग्ण सापडले आहेत.
तर तालुक्यातील बेंबळी, सारोळा, रुईभर, येडशी, तेर, गोरेवाडी, जुनोनी आदी गावामध्ये रुग्ण आढळुन आले आहेत. तुळजापुर तालुक्यातील अणदुर येथे १८ रुग्णाची भर पडली आहे. त्या शिवाय शहरातील पुष्पविहार येथे आठ रुग्ण आढळले आहेत. नळदुर्ग पोलीस ठाण्यातील एक जण पॉझिटिव्ह आला आहे. कळंब तालुक्यात तीन, परंडा येथे सहा, लोहारा तीन व वाशी एक अशी रुग्णसंख्या आढळुन आली आहे.
जिल्ह्यातील एकुण रुग्णसंख्या एक हजार ४५४ इतकी झाली आहे, तर उपचार घेत असलेल्या रुग्णसंख्येतही मोठ्या प्रमाणात वाढ होऊन ती ८९१ वर गेली आहे. उपचारानंतर घरी गेलेले रुग्ण ५१६ आहेत.
Edit-pratap Awachar
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.