परळी वैजनाथ (बीड) : शहरातील सर्वात जास्त ग्राहक संख्या असलेल्या राणी लक्ष्मीबाई टाँवर चौकातील इंडीया बँकेतून सुरू झालेले कोरोना मिटर आजपर्यंत कायम असून कोरोना संसर्ग झालेल्या रुग्णांची संख्या १६८ वर जाऊन पोहचली आहे. तसेच कोरोना मुक्त रुग्ण होण्याचे प्रमाण ही चांगले असून ६९ रुग्णांना शुक्रवार (ता.३१) पर्यंत सुट्टी देण्यात आली आहे. १०४ रुग्ण उपचार घेत आहेत.
शहरातील इंडिया बँकेने कोरोना संसर्गाचे खाते ४ जुलैला उघडले. ते अद्याप पर्यंत बंद झालेले नाही. ४ जुलै पासून शुक्रवार (ता.३१) पर्यंत कोरोना संसर्ग रुग्णांची संख्या १६८ वर जाऊन पोहचली आहे. शहरातील विविध भागात कोरोनाचे लोन पोहचले असल्याने कोरोनाची साखळी काही तुटण्यास तयार नाही. शहरातील नागरिकांनी कोरोनाचा होणारा प्रसार रोखण्यासाठी प्रशासनास मदत करणे आवश्यक आहे.
नगरपालिका, पोलीस, महसूल प्रशासनाने वाढत चाललेली कोरोना संसर्गाची साखळी तोडण्यास विशेष प्रयत्न करणे गरजेचे आहे. कारण जे कंटोन्मेट झोन तयार केले आहेत. त्यामागील नागरिकांनी परिसरातील कोरोना संसर्ग झालेल्या रुग्णांचा संपर्क होणार नाही. याची काळजी घेणे आवश्यक आहे. तसेच ज्यांचा संपर्क आलेला आहे. त्यांनी स्वतः हून प्रशासनाला माहिती सांगितली पाहिजे. तसेच संपर्कातील नागरिकांनी क्वारंटाईन व्हावे. प्रशासनाचे नियम पाळणे आवश्यक आहे. त्याशिवाय शहर व तालुक्यातील कोरोना मीटर थांबणार नाही.
दरम्यान शहरात जरी कोरोनाचा संसर्ग दिवसेंदिवस वाढतच असला तरी कोरोना मुक्त होण्याचे प्रमाणही अत्यंत चांगले आहे. इंडिया बँकेतील सर्व कर्मचारी, अधिकारी यांनी कोरोनावर यशस्वी मात केली आहे. तसेच त्यांच्या संपर्कातील कोरोना रुग्णही कोरोनावर मात करत आहेत.
शहर व तालुक्यातील ६९ रुग्णांनी कोरोनावर मात केली आहे. यामध्ये लहान मुलांपासून वयोवृध्द व्यक्तींचा समावेश आहे. त्यामुळे नागरिकांनी घाबरून न जाता काळजी घेणे आवश्यक आहे. तसेच प्रशासनाच्या नियमांचे पालन केल्या शिवाय कोरोनाचे मीटर थांबणार नाही.
Edited By Pratap Awachar
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.