file photo 
मराठवाडा

ऊन, वारा, पाऊस झेलत ‘या’ झोपडीचा मिळतोय पोलिसांना आधार 

दिलीप मोरे

देवगावफाटा (जि.परभणी) : परभणी जिल्ह्यात कोरोना विषाणूचा संसर्ग पसरू नये यासाठी जिल्हा प्रशासनाच्या निर्देशानुसार पोलिस अधीक्षकांनी जिल्ह्याच्या सीमेवर असलेल्या देवगाव फाटा (ता. सेलू, जि. परभणी) येथे औरंगाबाद - नांदेड महामार्गावर चेकपोस्ट सुरू केले आहे. या चेकपोस्टवर दोन महिन्यांपासून स्वतःचे घरदार सोडून दररोज चोवीस तास रखरखत्या उन्हात कोरोना विषाणूचा संसर्ग रोखण्यासाठी रात्रंदिवस पोलिस कर्मचारी सेवा देत आहेत. त्यामुळे या योद्धांच्या मुक्कामासाठी येथे उभारण्यात आलेली ‘ती’ झोपडीच आता त्यांचे निवासस्थान ठरली आहे.
परभणी जिल्ह्याला लागूनच असलेल्या जालना व औरंगाबाद या जिल्ह्यात सध्या कोरोना विषाणूचा संसर्ग हा मोठ्या प्रमाणात वाढत आहे. त्यामुळे या जिल्ह्यातून परभणी जिल्ह्यात विनापरवाना दाखल होणाऱ्या नागरिकांना मज्जाव करण्यासह परजिल्ह्यातून परतणाऱ्यांवर लक्ष ठेवण्यासाठी जिल्ह्याच्या या सीमेवर पोलिस चेकपोस्ट उभारले आहे.


अहोरात्र पोलिसांचा पहारा

या चेकपोस्टवर दररोज अहोरात्र पोलिस कर्मचारी पाहारा देत आहेत. कुठल्याही स्थितीत त्यांना चेकपोस्ट सोडणे अशक्य आहे. कारण पोलिसांची थोडीही हेळसांड संपूर्ण परभणी जिल्ह्यात कोरोना विषाणूचा संसर्ग पुसरवण्यास कारणीभूत ठरू शकते, ही बाब लक्षात घेऊनच चेकपोस्टवर येणाऱ्या जाणाऱ्या वाहनांची कसून तपासणी करण्यात येत आहे. मात्र, हे कर्तव्य बजावतांना त्यांना योग्य असा निवाराही नसल्याने वाहनावर लक्ष ठेवत रस्त्यावरच रात्र काढावी लागत आहे. त्यासाठी औरंगाबाद-नांदेड महामार्गावरील देवगाव फाटा चेकपोस्टवर अहोरात्र पाहारा देत असलेल्या या योद्धांकरिता आता ‘ती’ झोपडीच निवासस्थान ठरली आहे.

हेही वाचा :​ शेतकऱ्यांना आधार देण्यासाठी बांधावर जा : कृषिमंत्री दादा भुसे

झाडांच्या सावलीचा आधार...!
आज बहुतांश ठिकाणच्या चेकपोस्टवर पाहिजे त्या प्रमाणात व्यवस्था दिसून येत नसल्या तरी प्रत्येक नागरिकाला कोरोना विषाणूच्या संसर्गापासून दूर ठेवण्यासाठी पोलिस कर्मचारी उन्हातान्हात आपले कर्तव्य बजावत आहेत. सकाळपर्यंत काही नाही; परंतु दुपारी उन्हाचा पारा वाढला की, गरम चटके बसत आहेत. त्यामुळे अनेक कर्मचारी दुपारच्या सुमारास झाडांच्या सावलीचा आधार घेतांना दिसून येत आहेत.

घरी राहूनच या युद्धात सामील व्हावे
देशावर कोरोनाचे संकट असतांना अशा या कठीण परिस्थितीत देशाच्या पाठीशी उभे राहणे ही आम्हा सर्वांची जबाबदारी आहे. यासाठी प्रत्येक नागरिकाने घरी राहावे, आम्ही घराबाहेर आहोत तुमच्या रक्षणासाठी, त्यामुळे प्रत्येकानी घरी राहूनच या युद्धात सामील व्हावे.
- पी. जी. अल्लापूरकर, फौजदार.
 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Bus Tanker Fire : प्रवासी बस अन् एलपीजी गॅस टँकरची समोरासमोर भीषण धडक; १० जणांचा होरपळून मृत्यू, २७ प्रवासी गंभीर जखमी

Torrent Project: टोरंट कंपनीला 730 एकर जमीन खरेदी करण्यास राज्य सरकारची मंजुरी; कर्जतच्या प्रकल्पामुळे वाद वाढणार

Marathi News Live Updates : बीडमध्ये पोलिस कॉन्स्टेबल बेपत्ता

Travis Head: १९ नोव्हेंबरचा तो काळा दिवस भारतीय चाहते विसरले नाहीत; ट्रेव्हिस हेडने ३ वर्षांनंतर पोस्ट करत पुन्हा आठवण करून दिली

Lakshmi Narayan Yog 2026: अडकलेला पैसा मिळणार, उत्पन्नाचे नवे मार्ग खुलणार! तुळशी विवाहानंतर ५ राशींसाठी लक्ष्मी नारायण योग ठरणार शुभ

SCROLL FOR NEXT