रेणापूर (जि. लातूर) : धनगर समाजाचा एसटी प्रवर्गात समावेश करावा, या मागणीसाठी तालुक्यातील सकल धनगर समाजाच्या वतीने पिंपळफाटा (रेणापूर) येथे मंगळवारी (ता. २७) रस्ता रोको व ढोल बजाओ आंदोलन करण्यात आले.
या बाबत मुंबई उच्च न्यायालयात दाखल केलेली याचिका फास्ट ट्रॅक न्यायालयात चालवावी, मागील सरकारने धनगरांसाठी जाहीर केलेल्या आदिवासींच्या सवलती त्वरित लागू करून मंजूर केलेल्या १ हजार कोटींच्या निधींची तत्काळ तरतूद करावी, धनगर समाजातील मेंढपाळावर अलीकडे होत असलेल्या हल्ल्याचा पार्श्वभूमीवर मेंढपाळाच्या सुरक्षिततेसाठी कडक कायदे करून संरक्षण द्यावे यासह इतर मागण्या यावेळी करण्यात आल्या.
आंदोलनात ॲड. मंचकराव डोने, अनिरुद्ध येचाळे, अनिल गोयकर, दिलीप गोटके, सुभाष सरवदे, विठ्ठल कस्पटे, रामदास माने, दत्ता सरवदे, के. आर. वाघमोडे, राजेंद्र सूळ, लक्ष्मण मारकड, राजन हाके, जगन्नाथ रवळे, शेषराव हाके, माधव राजे, दत्ता वाघमोडे, नवनाथ भोकरे, साधू व्यवहारे, अमित लोकरे यांच्यासह तालुक्यातील धनगर बांधव उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.