लातूर : रेणापूर-पिंपळफाटा-लातूर या राष्ट्रीय महामार्गाच्या रस्त्यावरील उच्च दाब विद्युत मनोऱ्याची उंची वाढवण्यासाठी आमदार धीरज देशमुख यांनी सातत्याने पाठपुरावा केला. त्यामुळे मनोऱ्याची उंची अखेर वाढवण्यात आली असून मुख्य रस्ता बुधवार (ता. ११) पासून वाहतुकीसाठी खुला झाला आहे.
राष्ट्रीय महामार्ग ५४८ बी रस्त्यावरील रेणापूर येथील रेणापूर फाट्याजवळ उच्च दाब विद्युत मनोऱ्याची उंची न वाढल्यामुळे हा महामार्ग वाहनचालकांसाठी आणि प्रवाशांसाठी धोकादायक बनला होता. बरेच अपघातही या ठिकाणी झाले. विद्युतवाहिन्या उंचावर नसल्याने वाहने या रस्त्यावरून मार्गस्थ होत नव्हती.
या घटनांची तातडीने दखल घेऊन आमदार धीरज देशमुख मनोऱ्याच्या उंची वाढवण्यासंदर्भात पाठपुरावा केला. त्यांच्या प्रयत्नांमुळे विद्युत मनोऱ्याची उंची अखेर वाढवण्यात आली. मनोऱ्याची उंची वाढल्यामुळे हा महामार्ग वाहतुकीसाठी अखेर खुला झाला आहे. याआधी पर्यायी रस्त्यांचा वापर केला जात होता. या रस्त्यावरील वाहतूक सुरळीत झाल्याने नागरिकांनी आमदार देशमुख यांचे आभार मानले.
(संपादन-प्रताप अवचार)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.