पाटोदा (जि. बीड): दिवसेंदिवस कोरोनाचे रुग्ण बरे होण्याचे प्रमाण वाढून कोरोनाची भीती कमी होत असतानाच एका वृद्धाने आत्महत्या केल्याची घटना गुरुवारी (ता. चार) तालुक्यातील मंगेवाडी येथे घडली. आसाराम रामकिसन पोटे (वय ६५) असे गळफास लाऊन आत्महत्या केलेल्या वृद्धाचे नाव आहे. त्यांनी सुसाईड नोटमध्ये तसा उल्लेख केला आहे.
आसाराम पोटे हे कसल्याही प्रकारची आजारी नव्हते. तसेच त्यांनी गेल्या काही दिवसात कोठेही प्रवास केलेला नव्हता वा कोणा नवीन व्यक्तीच्याही ते संपर्कात आले नव्हते. केवळ कोरोना विषयी बाहेर चर्चा ऐकून व सद्य परिस्थिती पाहून त्यांनी गुरुवारी सकाळी आपल्या शेतात एका झाडाला गळफास लावून चक्क आपली जीवनयात्रा संपवली. त्यापूर्वी त्यांनी लिहिलेली सुसाईड नोटमधूनच ही बाब समोर आली. सदर सुसाईड नोट पोलिसांच्या हाती लागली आहे. ‘मी कोरोनाच्या भीतीमुळे फाशी घेत आहे,
हेही वाचा- वीजेचा शॉक लागून २६ मेंढ्यांचा मृत्यू
यामध्ये कोणाचाही दोष नाही' असे त्यांनी या चिठ्ठीत लिहले आहे. त्यामुळे केवळ कोरोनाच्या भीतीपोटी आत्महत्या केल्याचे स्पष्ट झाले आहे या सर्व प्रकारामुळे तालुक्यात एकच खळबळ उडाली आहे. दरम्यान या घटने विषयी शहादेव पोटे यांनी पाटोदा पोलीस ठाण्यात दिलेल्या खबरी नुसार अकस्मात मृत्यूची नोंद करण्यात आली असून या घटनेचा अधिक तपास पोलीस नाईक कृष्णा डोके हे करत आहेत.
घडलेली घटना ही नक्कीच धक्कादायक आहे. कोरोना या आजाराला न घाबरता केवळ स्वतःची काळजी घेण्याची गरज आहे. जरी एखादया व्यक्तीला हा आजार झाला तरी तो व्यक्ती ठणठणीत बरा होऊ शकतो हे मागील काही दिवसापूर्वी बरे झालेल्या रुग्णांवरून स्पष्ट झाले आहे.
-डॉ. लक्ष्मीकांत तांदळे, तालुका आरोग्य अधिकारी, पाटोदा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.