निलंगा (लातूर) : निलंगा शहरासह तालुक्यात अवैध दारू विक्रीला ऊत आला असून परवाना धारकाकडूनही नियमाचे राजरोसपणे उल्लघंन होत असतानाही राज्य उत्पादन शुल्क विभागाचे अधिकारी 'अर्थपूर्ण' बोलणी करून अवैध व्यवसाय करणाऱ्यांना पाठीशी घालत आहेत. याबाबत वरिष्ठ आधिकार्यानी लक्ष घालावे अशी मागणी केली जात आहे.
याबाबतची माहिती अशी की निलंगा शहरासह तालुक्यात एकून शंभरपेक्षा जास्त बिअरबार व परमिटरूम आहेत. बार व देशी दारू दुकानात सर्रासपणे नियमाचे उल्लघंन केले जात आहे. अनेक बारमध्ये शौचालय व प्रसाधन गृह नाहीत. शिविय चढ्या भावाने दारू विक्री केली जाते याकडे दुर्लक्ष केले जात आहे. संबंधित बिअर बारमालकावर कोणत्याही दारू बंदी अधिकाऱ्यांची वचक राहीला नाही. फक्त महिण्याला येऊन 'अर्थपूर्ण' व्यवहार करून ते गायब होत असतात.
निलंगा शहरासह तालुक्यातील ग्रामीण भागात हॉटेलच्या नावाखाली देशी, विदेशी, हातभट्टी विकली जाते. यांना राज्य उत्पादन शुल्कचे अधिकारी व कर्मचारी यांचा आशीर्वाद आहे. शहर व तालुक्यातील वैध व अवैध दारू विक्री करणाऱ्यासाठी राज्य उत्पादन विभागातील एक कर्मचारी हप्ते वसूलीसाठी खास 'कारभारी' म्हणून नियुक्त केला आहे. बनावट दारू ही संपूर्ण बार मध्ये विक्री केली जाते. मात्र याकडे राज्य उत्पादन शुल्क सपशेल कानाडोळा करत आहे.
शहरातील व ग्रामीण भागातील अनेक बार चालकांना वेळेचे बंधन नाही. कधीही चालू करत असतात. निळकंठेश्वर मार्केट मध्ये नागरिकांचा विरोध असताना देखील त्या ठिकाणी नवीन बारला परवानगी दिली आहे. तसेच शहरातील नवीन पर्यटनस्थळ, अटल वाकवे याला लागूनच एका बारला परवानगी दिली आहे. याबाबत नागरिकांनी लेखी तक्रार दिली आहे. याला सर्वस्वी जबाबदार संबंधित उत्पादन शुल्क निरिक्षक कारणीभूत असल्याचा आरोप नागरिक करित आहेत. संबंधित बिअर बार मालकावर वचक नसल्यामुळे अवैध धंदे करणाऱ्यांनी डोके वर काढले आहेत.
मंत्र्यांकडे केली तक्रार
उत्पादन शुल्कचे अधिकारी श्री. झेंडे हे गेल्या अनेक वर्षापासून वरिष्ठांच्या कृपा आशीर्वादाने निलंग्यात तळ ठोकून आहेत. तसेच त्यांच्या कार्यकाळात अवैध धंदे व बेशुमार दारू विक्री वाढली आहे, यासंदर्भात शहरातील जागृत नागरिकांनी मंत्र्याकडे तक्रार केली आहे.
(संपादन-प्रताप अवचार)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.