अंकुशनगर (जालना) : एका पंधरावर्षीय शालेय विद्यार्थ्याने वाढदिवसालाच गळफास घेऊन घरात आत्महत्या केली. अंकुशनगर येथे ही घटना दसऱ्याच्या दिवशी रविवारी (ता.२५) सायंकाळी साडेपाच वाजता घडली.
अंबड तालुक्यातील अंकुशनगर येथील समर्थ सहकारी बँके शेजारी राहणाऱ्या अभिजित नंदकुमार बांगर (वय १५) याने घरातील दरवाजे बंद करून फॅनला साडीच्या सहाय्याने गळफास घेत रविवारी सायंकाळी साडेपाच वाजता आत्महत्या केली. विशेष म्हणजे रविवारी त्याचा वाढदिवस होता. तो बराच वेळ खोलीबाहेर न आल्याने आई-वडिलांनी जाऊन पाहिले, तेव्हा त्यांना अभिजितने गळफास घेतल्याचे दिसले. त्याला तत्काळ जवळच्या रुग्णालयात दाखल करण्यात आले.
परंतु तोपर्यंत त्याचा मृत्यू झालेला होता. अभिजित हा अंकुशनगर येथील छत्रपती शिवाजी हायस्कूलमध्ये इयत्ता दहावीच्या वर्गात शिक्षण घेत होता. गुणवंत विद्यार्थी म्हणून त्याची ओळख होती. दरम्यान, शहागडच्या आरोग्य केंद्रात त्याला उत्तरीय तपासणीसाठी हालविण्यात आले. या प्रकरणी गोंदी पोलिस ठाण्यात अकस्मात मृत्यूची नोंद करण्यात आली आहे. अभिजितने हे टोकाचे पाऊल का उचलले हे समजू शकले नाही. पोलिस पुढील तपास करीत आहेत.
(संपादन-प्रताप अवचार)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.