परळी वैजनाथ (जि.बीड) : येथील अरुणोदय मार्केटमधील गाळा क्रमांक दोनमध्ये असलेल्या गायत्री ग्लास फिटिंगचे व्यावसायिक यांनी दुकानातच गळफास लावून आत्महत्या केल्याची घटना शुक्रवारी (ता.१८) सकाळी उघडकीस आली. यामुळे व्यापाऱ्यात खळबळ उडाली आहे. येथील अरुणोदय मार्केटमध्ये प्रवीण प्रभाकर मालेवार (वय ४०) यांचे गायत्री ग्लास फिटिंगचे स्वतः चे दुकान आहे. प्रविण मालेवार यांनी स्वतःच्याच दुकानातील लोखंडी आडूला दोरीच्या साहाय्याने गळफास घेऊन आत्महत्या केल्याची घटना शुक्रवारी सकाळी उघडकीस आली. (Trader Hanged Himself In His Shop In Parli Of Beed)

घटनेची माहिती मिळताच शहर पोलिस घटनास्थळी दाखल झाले असून पुढील कार्यवाही करत आहेत. आत्महत्येची माहिती मिळताच परिसरातील दुकानदारांनी, नागरिकांनी घटनास्थळी मोठी गर्दी केली होती. ही आत्महत्या रात्री झाली का? सकाळी? आत्महत्येचे कारण काय हे पोलीस तपासात उघडकीस येईल.(Beed)