उदगीर : येथील ग्रामीण पोलीस ठाणे हद्दीत असलेल्या डोंगरज (ता. चाकूर) येथील एका मुलीचा बालविवाह लावल्या प्रकरणी आठ जणांविरुद्ध पोलीस ठाण्यात गुन्हा दाखल करण्यात आला आहे.
याबाबत ग्रामीण पोलिस सूत्रांकडून मिळालेली अधिक माहिती अशी की, सोमवारी (ता.२७) डोंगरज (ता.चाकूर) येथील एका अल्पवयीन मुलीचा सकाळी अकराच्या सुमारास एका वृद्धाशी विधीवत विवाह लावला. मुलगी अल्पवयीन असल्याचे माहीत असून सुद्धा आणि टाळेबंदीचा फायदा घेत जाणीवपूर्वक विवाह लावून या कायद्याचे उल्लंघन केल्याची तक्रार आशा बट्टेवाड (वय ३८) रा. मेवापुर (ता.जळकोट) यांनी दिली आहे.
त्यांच्या या फिर्यादीवरून, आरोपी दिलीप बट्टेवाड रा. मेवापुर (ता.जळकोट), रंजनाबाई गायकवाड, गोविंद गायकवाड, धुपत गायकवाड, राम गायकवाड चौघेही डोंगरज (ता.चाकूर), छकुली बटेटवाड (रा. शिवनखेड), रुक्मिण भालेराव (रा. होडाळा) ता. मुखेड, पार्वती काबळे (रा. लोहारा) ता. उदगीर यांच्याविरुद्ध येथील ग्रामीण पोलीस ठाण्यात बाल विवाह प्रतिबंधक कायद्यानुसार गुन्हा दाखल करण्यात आला आहे. पोलीस निरीक्षक दीपककुमार वाघमारे यांच्या मार्गदर्शनाखाली पोलीस उपनिरीक्षक श्री गायके हे अधिक तपास करत आहेत.
संपादन-प्रताप अवचार
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.