उदगीर (लातूर) : शहर व परिसरात दिवसेंदिवस कोरोना बाधितांची संख्या वाढत आहे. शुक्रवारी (ता.१८) रात्री उशिरा आलेल्या अहवालात नऊ जणांना कोरोणाची बाधा झाली आहे. येथील कोविड रुग्णालयात रात्री उशिरा दोन जणांचा सारीने मृत्यू झाला आहे. परिसरातील कोरोनाची बाधा झालेल्यांची एकुण संख्या आता २१७ वर पोहचली आहे.
रात्री उशिरा आलेल्या अहवालात कुणेकरो गल्ली ३, गाधीनगर १, उस्माननगर १, नळगीर २, गुडसुर १, सायगाव (कर्नाटक) १ एवढ्या रुग्णांचा अहवाल पॉझिटिव्ह आला आहे. शुक्रवारी रात्री रात्री साडेनऊ वाजता शहरातील रामनगर भागातील एका नागरिकाचा सारीने मृत्यू झाला आहे.अकरा वाजता शहरातील एका सारीच्या महीला रुग्णाचा मृत्यू झाला असून याचा स्वॅब तपासणीसाठी पाठवण्यात आला आहे.
येथील कोरोना रुग्णालयात उदगीर १९१, जळकोट ३, निलंगा २, अहमदपूर ६, मुंबई ३, चाकूर ३, हैदराबाद १, मुखेड ४, देवणी ४ अशी कोरोणाची बाधा झालेल्या रुग्णांची नोंद झाली आहे. पैकी १५ जणांचा मृत्यू झाला झाला आहे. यापैकी १३० रुग्णांना उपचारानंतर बरे झाल्यानंतर घरी पाठवण्यात आले आहे.
सात रुग्णांना उपचारासाठी रेफर करण्यात आले आहे. सध्या कोविंड रुग्णालयात ३४ तर तोंडार पाटी येथील कोविड केअर सेंटर येथे १८ रुग्णांवर उपचार चालू आहेत. पैकी चार रुग्णांची स्थिती गंभीर असल्याची माहिती माहिती जिल्हा शल्यचिकित्सक कार्यालयाचे निवासी वैद्यकीय अधिकारी डॉ. सतिश हरिदास व कोव्हिड रुग्णालयाचे नोडल अधिकारी डॉ. शशिकांत देशपांडे यांनी दिली आहे.
(संपादन : प्रताप अवचार)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.