मुंबई : ठाकरे कुटुंबातील सदस्याने म्हणजेच आदित्य ठाकरेंनी प्रथमच निवडणूक लढवली आणि जिंकलीही. महाविकासआघाडीच्या संघर्षानंतर आज (ता. 27) हे तीन पक्ष आपले बहुमत सिद्ध करून सत्तास्थापन करतील. आज सर्व आमदार विधानभवनात आमदारकीची शपथ घेतील. आदित्य ठाकरे प्रथमच आमदार म्हणून निवडून आले आणि आज त्यांनीही आमदारकीची शपथ घेतली. पण ते त्यापूर्वी शुभकाम करून निघाले.
विधानभवनात येण्यापूर्वी आदित्य ठाकरे हे शिनसेनेच्या महत्त्वाच्या नेत्यांसमवेत मातोश्रीबाहेर पडले व थेट प्रभादेवी येथे सिद्धिविनायकाच्या दर्शनाला पोहोचले. आमदारकीनंतर सत्तास्थापनेचा निर्णय झाल्यावर प्रथमच आदित्य सिद्धिविनायकाच्या दर्शनाला पोहोचले. यावेळी त्यांच्यासोबत शिवसेनेचे नेते व सिद्धिविनायक ट्रस्टचे अध्यक्ष आदेश बांदेकरही होते.
सिद्धीविनायकाच्या दर्शनानंतर आदित्य थेट विधानभवनात पोहोचले. युवासेना प्रमुख आदित्य ठाकरे यांनी मराठीतून शपथ घेतली. यावेळी शिवसेनेच्या सर्व सदस्यांनी बाके वाजवून अभिनंदन केले. तर गॅलरीत खासदर सुप्रिया सुळे उपस्थित होत्या. त्यांनी देखील टाळ्या वाजवून अभिनंदन केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.