मुंबई : अभिनेता सुशांत सिंह राजपूतची आत्महत्या सगळ्यांच्या मनाला चटका लावणारी होती. आता त्याच्या आत्महत्येनंतर हिंदी चित्रपसृष्टीत विविध चर्चांना उधाण आलेले आहे. त्याने आत्महत्या व्यावसायिक स्पर्धेतून केली की व्यक्तिगत कारणामुळे याचा शोध पोलिस घेतीलच.
परंतु वृत्तसंस्थेने दिलेल्या माहितीनुसार, सुशांतला लवकरच एका वेबसीरीजच्या कॉन्ट्र्क्टचे 14 कोटी रुपये मिळणार होते. त्याबाबत त्याची माजी मॅनेजर दिशा सॅलियनशी त्याचे बोलणे झाले होते. मात्र नुकतेच तिने आत्महत्या केली. तिच्या निधनानंतर सुशांत प्रचंड तणावाखाली होता, असेही बोलले जात आहे.
दिशा सॅलियनचा 8 जून रोजी मृत्यू झाला. तिने 14 व्या मजल्यावरून उडी मारून आत्महत्या केली. दिशा सॅलियन आणि सुशांत यांचे मार्च महिन्यात व्हॉटस अॅपवर दोनदा बोलणे झाले होते. त्यानंतर त्यांचे काही बोलणे झाले नाही. एका वेबसीरीजचे कॉट्रॅक्ट होते. पण ते नेमके काय किंवा कोणते प्रोजेक्ट होते ते समजू शकलेले नाही.
दरम्यान, रविवारी(ता.14) सुशांतने गळफास घेऊन आत्महत्या केली. घटनेच्या तीन दिवसांपूर्वीच सुशांतने आपल्या सर्व स्टाफ आणि नोकरांचे पगार दिले होते. त्यावेळी त्याने नोकरांना असे म्हटले की, हा तुमचा पगार घ्या, यापुढे कदाचित तुम्हाला पगार देणे मला जमेल की नाही माहिती नाही, अशी माहिती एका मॅनेजरने पोलिसांना दिल्याचे वृत्तात म्हटले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.